ചേലക്കര: മന്ത്രി കെ. രാധാകൃഷ്ണന്റെ ചേലക്കരയിലെ ക്യാമ്പ് ഓഫീസ് പ്രവർത്തനമാരംഭിച്ചു. മുൻ മന്ത്രിയും സി.പി.എം കേന്ദ്ര കമ്മിറ്റിയംഗവുമായ ടി.എം തോമസ് ഐസക് ഉദ്ഘാടനം ചെയ്തു. ചടങ്ങിൽ മന്ത്രി കെ. രാധാകൃഷ്ണൻ, സി.പി.എം സംസ്ഥാന കമ്മിറ്റിയംഗം പി.കെ ബിജു, ജില്ലാ കമ്മിറ്റിയംഗങ്ങളായ കെ.പി രാധാകൃഷ്ണൻ, കെ.വി നബീസ, പി.എ ബാബു, ചേലക്കര ഏരിയ സെക്രട്ടറി കെ.കെ മുരളീധരൻ, മുൻ എം.എൽ.എ യു.ആർ പ്രദീപ്, ബ്ലോക്ക് പഞ്ചായത്ത് പ്രസിഡന്റ് കെ.എം അഷറഫ്, കൊച്ചിൻ ദേവസ്വം ബോർഡ് പ്രസിഡന്റ് വി. നന്ദകുമാർ എന്നിവർ പങ്കെടുത്തു. എസ്.എം.ടി സ്‌കൂളിന് സമീപമുള്ള ജയശ്രീ ഇൻസ്റ്റിറ്റ്യൂട്ട് ബിൽഡിംഗിലാണ് ക്യാമ്പ് ഓഫീസിന്റെ പ്രവർത്തനം ആരംഭിച്ചിട്ടുള്ളത്.