തൃശൂർ: ദേശീയ ക്ഷയരോഗ നിർമ്മാർജ്ജന യജ്ഞത്തിന്റെ ഭാഗമായി കുട്ടികളുടെ ശരീരത്തിലുള്ള ക്ഷയരോഗ അണുക്കളുടെ സാന്നിദ്ധ്യം കണ്ടെത്താനുള്ള രക്തപരിശോധനയായ ഇഗ്ര ടെസ്റ്റ് തൃശൂർ ഗവ. മെഡിക്കൽ കോളേജിൽ ആരംഭിച്ചു. നേരത്തെ ജില്ലാ ടി.ബി. സെന്ററിൽ മാത്രമാണ് ഈ സംവിധാനം ഉണ്ടായിരുന്നത്. ജൂൺ 23 ന് ട്രയൽ റൺ നടത്തി. 22 സാംപിളുകൾ പരിശോധിച്ചതിൽ 8 പേർ പോസറ്റീവായി കണ്ടു. പരിശോധനയുടെ ഉദ്ഘാടനം മെഡിക്കൽ കോളേജിൽ പ്രിൻസിപ്പൽ ഡോ. ലോലദാസ് ഉദ്ഘാടനം ചെയ്തു. ജില്ലാ. ടി.ബി. ഓഫീസർ ഡോ.സുജ അലോഷ്യസ് അദ്ധ്യക്ഷത വഹിച്ചു.