തൃശൂർ: മണ്ണുത്തി പൊലീസ് സ്‌റ്റേഷൻ കേന്ദ്രീകരിച്ച് ഒരു റെസ്‌ക്യൂ കൺട്രോൾ റൂം ആരംഭിക്കുമെന്ന് മന്ത്രി പറഞ്ഞു. 2020- 21 വർഷത്തെ എം.എൽ.എയുടെ ആസ്തി വികസന ഫണ്ടിൽ നിന്നും 10 ലക്ഷം രൂപ ഉപയോഗിച്ചാണ് നിർമാണ പ്രവർത്തനങ്ങൾ നടത്തുന്നത്.

പീച്ചി പൊലീസ് സ്റ്റേഷൻ ഓഫീസ് നവീകരണ പ്രവർത്തനങ്ങളുടെയും പീച്ചി പൊലീസ് സ്റ്റേഷനിൽ നടപ്പിലാക്കുന്ന കുടിവെള്ള പദ്ധതിയുടെയും നിർമാണോദ്ഘാടനം നിർവഹിക്കുകയായിരുന്നു മന്ത്രി. ജില്ലാ പൊലീസ് മേധാവി ആർ. ആദിത്യ,
ഒല്ലൂർ അസി.കമ്മിഷണർ ഒഫ് പൊലീസ് കെ.സി സേതു, ഒല്ലൂക്കര ബ്ലോക്ക് പ്രസിഡന്റ് കെ.ആർ. രവി, പാണഞ്ചേരി പഞ്ചായത്ത് പ്രസിഡന്റ് പി.പി. രവീന്ദ്രൻ, ജില്ലാ പഞ്ചായത്ത് മെമ്പർ കെ.വി സജു, ബ്ലോക്ക് പഞ്ചായത്ത് മെമ്പർ രമ്യ രാജേഷ്,
ഗ്രാമ പഞ്ചായത്ത് മെമ്പർ ആനി ജോയ്, പി.ഡബ്ല്യൂ.ഡി ബിൽഡിംഗ്‌സ് അസി.എക്‌സി.എൻജിനിയർ ബേസിൽ ചെറിയാൻ എന്നിവർ പങ്കെടുത്തു.