തൃശൂർ: കേരളത്തിൽ പട്ടികജാതി വനിതകൾക്കും പെൺകുട്ടികൾക്കും നേരെ വർദ്ധിച്ചു വരുന്ന അതിക്രമങ്ങൾ തടയുന്നതിൽ സംസ്ഥാന സർക്കാർ പരാജയപ്പെട്ടതിനാൽ പട്ടികജാതി മോർച്ചയുടെ നേതൃത്വത്തിൽ നാളെ തൊടുപുഴയിൽ സത്യഗ്രഹം സംഘടിപ്പിക്കുമെന്ന് പട്ടികജാതി മോർച്ചാ സംസ്ഥാന പ്രസിഡന്റ് ഷാജുമോൻ വട്ടേക്കാട് പറഞ്ഞു. സംസ്ഥാന ഭാരവാഹികൾ നേതൃത്വം കൊടുക്കും. സംസ്ഥാന ബാലാവകാശ കമ്മീഷൻ, പട്ടികജാതി കമ്മീഷൻ, വനിതാ യുവജന കമ്മീഷനുകൾ പട്ടികജാതി സമൂഹത്തിനു നീതി നിഷേധിക്കുകയാണ്. കമ്മീഷനുകൾ ഇരട്ടത്താപ്പും അവസരവാദവുമാണ് കാണിക്കുന്നത്. വാളയാർ മുതൽ വണ്ടി പെരിയാർ വരെ നീതിക്കായി പട്ടികജാതി മോർച്ച എന്ന മുദ്രാവാക്യവുമായി സംസ്ഥാനത്ത് പ്രതിഷേധം സംഘടിപ്പിക്കുമെന്നും ഷാജുമോൻ വട്ടേക്കാട് പറഞ്ഞു.