ചാഴൂർ: സിനിമയിൽ പാട്ടെഴുതിയും, പെൻസിൽ ഡ്രോയിംഗിൽ വിസ്മയ ചിത്രങ്ങൾ തീർത്തും ലോക്ഡൗണിൽ വ്യത്യസ്തത പുലർത്തി സജീവ് നവകം. മുൻ പ്രധാനമന്ത്രി ഇന്ദിരാ ഗാന്ധി, പ്രധാനമന്ത്രി നരേന്ദ്ര മോദി , മുഖ്യമന്ത്രി പിണറായി വിജയൻ, മുൻ മുഖ്യമന്ത്രി ഉമ്മൻ ചാണ്ടി, സിനിമ നടൻമാരായ മമ്മൂട്ടി, മോഹൻലാൽ ,സുരേഷ് ഗോപി, ഇന്ദ്രൻസ്, തിലകൻ ,ടി.ജി.രവി ,സാഹിത്യകാരൻ മാടമ്പ് കുഞ്ഞുകുട്ടൻ തുടങ്ങി ഇന്ത്യയിലെയും കേരളത്തിലെയും രാഷ്ട്രീയ സാഹിത്യ സിനിമ മേഖലയിലെ പ്രഗത്ഭരുടെ 100 ഓളം ചിത്രങ്ങളാണ് സജീവ് വരച്ചുതീർത്തത്.

ആറോളം ചിത്രങ്ങൾക്ക് ഗാനങ്ങളും രചിച്ചിട്ടുണ്ട് .പെരിങ്ങോട്ടുകര സൗഹൃദ കൂട്ടായ്മ സജീവ് നവകത്തിന്റെ വസതിയിലെത്തി പൊന്നാട ചാർത്തി അനുമോദിച്ചു. സിനിമാ സംവിധായകൻ ദീപക് പെരിങ്ങോട്ടുകര, ആന്റൊ തൊറയൻ, ദിലീപ് പെരുംമ്പേക്കാട്ടിൽ, സുമിത്ത് പുതുമനക്കര, സന്തോഷ് കാളക്കൊടുവത്ത് എന്നിവർ നേതൃത്വം നൽകി.