തൃശൂർ: ജില്ലയിൽ 996 പേർക്ക് കൂടി കൊവിഡ് സ്ഥിരീകരിച്ചു. 1429 പേർ രോഗമുക്തരായി. രോഗബാധിതരായി ചികിത്സയിൽ കഴിയുന്നവരുടെ എണ്ണം 8,992 ആണ്. തൃശൂർ സ്വദേശികളായ 105 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 2,99,898 ആണ്. 2,89,150 പേരാണ് രോഗമുക്തരായി. ഇന്നലത്തെ ടെസ്റ്റ് പോസിറ്റിവിറ്റി നിരക്ക് 12.32% ആണ്. ജില്ലയിൽ തിങ്കളാഴ്ച്ച സമ്പർക്കംവഴി 985 പേർക്കാണ് രോഗം സ്ഥിരീകരിച്ചത്.