ഇരിങ്ങാലക്കുട: സഹകരണ സംഘങ്ങളിലെ അംഗങ്ങൾക്ക് ചികിത്സാ സഹായത്തിനായി അനുവദിച്ച സമാശ്വാസ നിധിയുടെ താലൂക്ക് തല ഉദ്ഘാടനം ഉന്നത വിദ്യാഭ്യാസ വകുപ്പ് മന്ത്രി ഡോ. ആർ. ബിന്ദു നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ അദ്ധ്യക്ഷയായി. കാറളം പഞ്ചായത്ത് പ്രസിഡന്റ് സീമ പ്രേംരാജ്, മുകുന്ദപുകം സർക്കിൾ സഹകരണ യൂണിയൻ ചെയർമാൻ ജോസ് ചിറ്റിലപ്പിള്ളി എന്നിവർ മുഖ്യാതിഥിയായി. ജില്ലാ പഞ്ചായത്ത് അംഗം ഷീല അജയഘോഷ്, ബ്ലോക്ക് അംഗം കെ.എസ് രമേഷ്, ലളിത ചന്ദ്രശേഖരൻ, അസി. രജിസ്ട്രാർ എം.സി അജിത്, കെ.ഒ ഡേവീസ്, കെ.എസ് ബാബു, സെക്രട്ടറി വി.എ ആശ തുടങ്ങിയവർ പ്രസംഗിച്ചു. മുകുന്ദപുരം സർക്കിളിലെ 27 സംഘങ്ങളിലെ 554 അംഗങ്ങൾക്ക് ആദ്യ ഘട്ടമായി 1.15 കോടി രൂപയാണ് നൽകിയത്.