തൃശൂർ: ഗവ. മെഡിക്കൽ കോളേജിൽ 44 രോഗികൾക്കും 37 കൂട്ടിരിപ്പുകാർക്കും അടക്കം 81 പേർക്ക് കൊവിഡ്. കഴിഞ്ഞ പത്ത് ദിവസത്തിനുള്ളിൽ രോഗികളും കൂട്ടിരിപ്പുകാരുമായി നൂറോളം പേർ കൊവിഡ് ബാധിച്ച് ആശുപത്രിയിൽ ചികിത്സയിലാണ്. ഡോക്ടർമാർ, മറ്റ് ജീവനക്കാർ എന്നിവരും ഇതിൽ ഉൾപ്പെടും. അമ്പതോളം മെഡിക്കൽ, ഡെന്റൽ വിദ്യാർത്ഥികളും കഴിഞ്ഞ ദിവസം രോഗബാധിതരായി. ഇതോടെ മെഡിക്കൽ കോളേജിന്റെ പ്രവർത്തനം കടുത്ത നിയന്ത്രണത്തിലായി.
ശസ്ത്രക്രിയയ്ക്ക് വിധേയരായ രോഗികൾക്കും രോഗം ബാധിച്ചതോടെ ആശങ്ക ശക്തമായി. ഓപ്പറേഷൻ തിയേറ്ററുകളിലും, വാർഡുകളിലും കൊവിഡ് വ്യാപിച്ചു. വിദ്യാർത്ഥികൾക്ക് രോഗബാധയുളളതിനാൽ, അവരുടെ സമ്പർക്കത്തിൽ ഉള്ളവരും പോസിറ്റീവ് ആകാനുള്ള സാദ്ധ്യത കൂടുതലാണ്. ഡെന്റൽ വിഭാഗത്തിലെ കൂടൂതൽ വിദ്യാർത്ഥികളെ പരിശോധനയ്ക്ക് വിധേയരാക്കി. ആശുപത്രി ഇൻഫക്‌ഷൻ കൺട്രോൾ കമ്മിറ്റി അടിയന്തര യോഗം ചേർന്ന് നിയന്ത്രണങ്ങൾക്കും നടപടികൾക്കും ശുപാർശ ചെയ്തു. കർശന നിയന്ത്രണവും ഇടപെടലുകളുമുണ്ടായില്ലെങ്കിൽ കൊവിഡ് വ്യാപനം രൂക്ഷമാകുമെന്ന് ഹോസ്പിറ്റൽ ഇൻഫക്ഷൻ കൺട്രോൾ കമ്മിറ്റി മുന്നറിയിപ്പ് നൽകി. സൂപ്രണ്ട്, മൈക്രോബയോളജി ഡോക്ടർ, എച്ച്.ഒ.ഡി ചെയർമാർ, ഹെഡ് നഴ്‌സുമാർ, നഴ്‌സിംഗ് സൂപ്രണ്ട് എന്നിവരുടെ നേതൃത്വത്തിൽ ചേർന്ന യോഗത്തിലാണ് നിർദ്ദേശം ഉന്നയിച്ചത്.

2,498​ ​പേ​ർ​ക്ക് ​കൊ​വി​ഡ്:
പോ​സി​റ്റി​വി​റ്റി15.69%

തൃ​ശൂ​ർ​:​ ​ടെ​സ്റ്റ് ​പോ​സി​റ്റി​വി​റ്റി​ ​നി​ര​ക്ക് 15.69​ ​ശ​ത​മാ​ന​മാ​യി​ ​ഉ​യ​ർ​ന്ന​തോ​ടെ,​ 2,498​ ​പേ​ർ​ക്ക് ​കൂ​ടി​ ​കൊ​വി​ഡ് 19​ ​സ്ഥി​രീ​ക​രി​ച്ചു.​ 1,970​ ​പേ​ർ​ ​രോ​ഗ​മു​ക്ത​രാ​യി.​ ​രോ​ഗ​ബാ​ധി​ത​രാ​യി​ ​ചി​കി​ത്സ​യി​ൽ​ ​ക​ഴി​യു​ന്ന​വ​രു​ടെ​ ​എ​ണ്ണം​ 10,271​ ​ആ​ണ്.​ ​തൃ​ശൂ​ർ​ ​സ്വ​ദേ​ശി​ക​ളാ​യ​ 96​ ​പേ​ർ​ ​മ​റ്റ് ​ജി​ല്ല​ക​ളി​ൽ​ ​ചി​കി​ത്സ​യി​ൽ​ ​ക​ഴി​യു​ന്നു.​ ​ഇ​തു​വ​രെ​ ​കൊ​വി​ഡ് ​സ്ഥി​രീ​ക​രി​ച്ച​വ​രു​ടെ​ ​എ​ണ്ണം​ 3,09,936​ ​ആ​ണ്.​ 2,97,896​ ​പേ​രാ​ണ് ​ആ​കെ​ ​രോ​ഗ​മു​ക്ത​രാ​യ​ത്.​ ​ശ​നി​യാ​ഴ്ച്ച​ ​സ​മ്പ​ർ​ക്കം​ ​വ​ഴി​ 2,472​ ​പേ​ർ​ക്കാ​ണ് ​രോ​ഗം​ ​സ്ഥി​രീ​ക​രി​ച്ച​ത്.​ 13​ ​ആ​രോ​ഗ്യ​പ്ര​വ​ർ​ത്ത​ക​ർ​ക്കും,​ ​സം​സ്ഥാ​ന​ത്തി​ന് ​പു​റ​ത്ത് ​നി​ന്നെ​ത്തി​യ​ 07​ ​പേ​ർ​ക്കും,​ ​ഉ​റ​വി​ടം​ ​അ​റി​യാ​ത്ത​ 06​ ​പേ​ർ​ക്കും​ ​രോ​ഗം​ ​ബാ​ധി​ച്ചു.