മാള: പട്ടിക വിഭാഗങ്ങളുടെ ക്ഷേമ ഫണ്ട് തട്ടിപ്പ് നടത്തിയവർക്കെതിരെ കർശന നടപടി സ്വീകരിക്കണമെന്ന് കെ.പി.എം.എസ് ജില്ലാ പ്രസിഡന്റ് ലോജനൻ അമ്പാട്ട്. പട്ടികജാതി വിഭാഗത്തിന്റെ ഫണ്ട് തട്ടിപ്പ് നടത്തിയ ഉദ്യോഗസ്ഥരെ പിരിച്ചുവിടുക, വർദ്ധിച്ചുവരുന്ന പട്ടികജാതി വിഭാഗത്തിനെതിരെയുള്ള പീഡനങ്ങൾ, പൊതു ശൗച്യാലയങ്ങൾ വൃത്തിയാക്കുന്ന പദ്ധതിക്ക് മഹാത്മാവിന്റെ പേര് നൽകിയ സർക്കാർ നടപടി പിൻവലിക്കുക, തുടങ്ങിയ ആവശ്യങ്ങളുന്നയിച്ച് കെ.പി.എം.എസ് മാള യൂണിയൻ കമ്മിറ്റി സംഘടിപ്പിച്ച സമരം ഉദ്ഘാടനം ചെയ്യുകയായിരുന്നു അദ്ദേഹം. ടി.കെ ഉണ്ണിക്കൃഷ്ണൻ അദ്ധ്യക്ഷനായി. പി.കെ സുരേന്ദ്രൻ, പി.സി ബാബു, എം.വി കുഞ്ഞുക്കുട്ടൻ, പി.എസ് മനോജ്, വിനയൻ മംഗലപ്പിള്ളി എന്നിവർ സംസാരിച്ചു.
കെ.പി.എം.എസ് മാള യൂണിയൻ കമ്മിറ്റി മാള ബ്ലോക്ക് പഞ്ചായത്ത് ഓഫീസിന് മുമ്പിൽ നടത്തിയ സമരം ജില്ലാ പ്രസിഡന്റ് ലോജനൻ അമ്പാട്ട് ഉദ്ഘാടനം ചെയ്യുന്നു.