തൃശൂർ: ജില്ലയിൽ 2,287 പേർക്ക് കൂടി കൊവിഡ്19 സ്ഥിരീകരിച്ചു. 2,659 പേർ രോഗമുക്തരായി. രോഗബാധിതരായി ചികിത്സയിൽ കഴിയുന്നവരുടെ എണ്ണം 11,149 ആണ്. തൃശൂർ സ്വദേശികളായ 117 പേർ മറ്റു ജില്ലകളിൽ ചികിത്സയിൽ കഴിയുന്നു. ഇതുവരെ കൊവിഡ് സ്ഥിരീകരിച്ചവരുടെ എണ്ണം 3,24,291 ആണ്. 3,11,346 പേർ രോഗമുക്തരായി. ഇന്നലത്തെ ടെസ്റ്റ് പോസിറ്റിവിറ്റി നിരക്ക് 16.67 ശതമാനം ആണ്. വെള്ളിയാഴ്ച്ച സമ്പർക്കം വഴി 2,268 പേർക്കാണ് രോഗം സ്ഥിരീകരിച്ചത്. കൂടാതെ എട്ട് ആരോഗ്യപ്രവർത്തകർക്കും സംസ്ഥാനത്തിന് പുറത്തുനിന്ന് എത്തിയ നാല് പേർക്കും ഉറവിടം അറിയാത്ത എഴ് പേർക്കും രോഗബാധ ഉണ്ടായിട്ടുണ്ട്.