ചേരപ്പള്ളി : എസ്.എൻ.ഡി.പി യോഗം ജീവകാരുണ്യ പദ്ധതി പ്രകാരം ആര്യനാട് യൂണിയനിലെ മുപ്പത് ശാഖകളെ ബന്ധപ്പെടുത്തി രണ്ട് ടൺ ഭക്ഷ്യവസ്തുക്കൾ വിതരണം ചെയ്തു. യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്തു. യൂണിയൻ പ്രസിഡന്റ് വീരണകാവ് സുരേന്ദ്രൻ, സെക്രട്ടറി പരുത്തിപ്പള്ളി സുരേന്ദ്രൻ, വൈസ് പ്രസിഡന്റ് മീനാങ്കൽ സന്തോഷ്, ഡയറക്ടർ ബോർഡ് അംഗം എസ്. പ്രവീൺ കുമാർ, പഞ്ചായത്ത് അംഗങ്ങളായ മുകുന്ദൻ, ദ്വിജേന്ദ്രലാൽബാബു, വിദ്യാധരൻ, കൗൺസിലർമാരായ കൊറ്റംപള്ളി ഷിബു, കൊക്കോട്ടേല ബിജുകുമാർ, കാഞ്ഞിരംവിള ശിശുപാലൻ, ശാന്തിനി, സുനിൽ, യൂത്ത് മൂവ്മെന്റ് യൂണിയൻ പ്രസിഡന്റ് പറണ്ടോട് രാജേഷ്, സെക്രട്ടറി അരുൺ സി. ബാബു, വനിതാ സംഘം പ്രസിഡന്റ് തൂങ്ങാംപാറ ഡോ. എൻ. സ്വയംപ്രഭ, സെക്രട്ടറി വസന്തകുമാരി ടീച്ചർ, യൂത്ത് മൂവ്മെന്റ് ജില്ലാ ജോയിന്റ് സെക്രട്ടറി സുനിലാൽ എന്നിവർ പങ്കെടുത്തു.