പുതുമുഖ സംവിധായകൻ ചാൾസ് ജോസഫാണ് ഒരുക്കുന്ന 'സമാറ'യുടെ പൂർത്തിയാക്കി. കഥാപരമായും സാങ്കേതികമായും ഒട്ടേറെ സവിശേഷതകളുള്ള ചിത്രത്തിന്റെ ബാക്കി ജോലികൾ പരോഗമിക്കുകയാണ്. ചിത്രത്തിലെ വില്ലൻ കഥാപാത്രത്തെ അവതരിപ്പിക്കുന്ന നടന്റെ പേരു വെളിപ്പടുത്തിയിരിക്കുകയാണ് ഇപ്പോൾ. ഹിന്ദിയിൽ 'ബജ്രംഗി ബൈജാൻ' , 'ജോളി എൽ എൽ.ബി 2', 'കശ്മീർ ഡെയ്ലി', തമിഴിൽ 'കാട്രു വെളിയിടൈ', 'വിശ്വരൂപം 2 'എന്നീ ചിത്രങ്ങളിലൂടെ ശ്രദ്ധേയനായ ബോളിവുഡ് നടൻ മിർ സാർവാർ ആണ് വില്ലാനായി എത്തുന്നത്. അക്ഷയ് കുമാറിന്റെ ' കേസരി' എന്ന സിനിമയിലെ മിർ സാർവാർ അവതരിപ്പിച്ച വില്ലൻ കഥാപാത്രത്തിന് വലിയ സ്വീകാര്യതയാണ് ലഭിച്ചിരുന്നത്. തുടർന്ന് അക്ഷയ് കുമാറിന്റെ 'ലക്ഷ്മി' യിലും മിറിന്റെ സാന്നിദ്ധ്യം ശ്രദ്ധേയമായിരുന്നു.

ഫോറൻസിക് ആധാരമാക്കിയുള്ള ഇൻവെസ്റ്റ്രിഗേഷൻ ത്രില്ലറാണ് 'സമാറ'യുടെ പ്രമേയം. ബഹുഭാഷാ ചിത്രമെന്ന പ്രത്യേകതയും ചിത്രത്തിനുണ്ട്. 'മൂത്തോനി' ലൂടെ ശ്രദ്ധേയയായ സഞ്ജന ദീപു, ഭരത്, രാഹുൽ മാധവ് , ബിനോജ് വില്ല്യ, വീർ ആര്യൻ, വിവിയ ശാന്ത്, നീത് ചൗധരി , ദിനേശ് ലാംബ, ഗോവിന്ദ് കൃഷ്ണാ, സോനാലി സുധൻ എന്നിവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം: സിനു സിദ്ധാർത്ഥ്, എഡിറ്റിംഗ്: അയൂബ് ഖാൻ, സംഗീതം: ദീപക് വാര്യർ. ദിനേശ് കാശിയാണ് സംഘട്ടന രംഗങ്ങൾ ഒരുക്കിയിരിക്കുന്നത്. പീക്കോക് ആർട്ട് ഹൗസിന്റെ ബാനറിൽ എം.കെ.സുഭാകരൻ, അനുജ് വർഗീസ് വില്ല്യാടത്ത് എന്നിവർ ചേർന്നു നിമ്മിക്കുന്ന ' സമാറ ' ഉടൻ പ്രദർശനത്തിനെത്തും.