തിരുവനന്തപുരം: ജില്ലയിൽ ഇന്നലെ 1184 പേർക്ക് കൂടി കൊവിഡ് സ്ഥിരീകരിച്ചു. 854 പേർ രോഗമുക്തരായി. 7.7 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 9,727 പേർ ചികിത്സയിലുണ്ട്. ഇന്നലെ രോഗം സ്ഥിരീകരിച്ചവരിൽ 1070 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ നാലുപേർ ആരോഗ്യ പ്രവർത്തകരാണ്. പുതുതായി 2,767 പേരെ ജില്ലയിൽ നിരീക്ഷണത്തിലാക്കി. 2105 പേർ നിരീക്ഷണകാലം രോഗലക്ഷണങ്ങളില്ലാതെ പൂർത്തിയാക്കി.