കണ്ണകി എന്ന ചിത്രത്തിലൂടെ ശ്രദ്ധേയനായ സജീവ് കിളികുലം സംവിധാനം ചെയ്യുന്ന പുതിയ ചിത്രമാണ് ദ്രാവിഡ രാജകുമാരൻ. ശ്രീ നീലകണ്ഠ ഫിലിംസിന്റെ ബാനറിൽ വിനിത തുറവൂർ നിർമ്മിക്കുന്ന ചിത്രത്തിന്റെ പൂജ കണ്ണൂരിലെ പുറ്റുവൻ കാവിൽ നടന്നു. സജീവ് കിളികുലം തന്നെയാണ് ചിത്രത്തിന്റെ രചന, ഗാനരചന, സംഗീതം എന്നിവയും നിർവ്വഹിച്ചിരിക്കുന്നത്. ബെന്നി ആശംസയുടെ നിപ എന്ന ചിത്രത്തിലെ നായക വേഷത്തിലൂടെ ശ്രദ്ധേയനായ ജിജോ ഗോപിയാണ് നായകൻ. വിശ്വൻ മലയൻ എന്ന വ്യത്യസ്ത കഥാപാത്രത്തെയാണ് ജിജോ ഗോപി ചിത്രത്തിൽ അവതരിപ്പിക്കുന്നത്.

ഡോ.അനഘ നായികയായി വേഷമിടുന്നു. ക്യാമറ: പ്രശാന്ത് മാധവ്, എഡിറ്റർ: ഹരി ജി.നായർ, കല: ഷാജി മമ്മാലി, പി.ആർ.ഒ: അയ്മനം സാജൻ. സന്തോഷ് കീഴാറ്റൂർ, മെറീന മൈക്കിൾ, ശിവദാസൻ മട്ടന്നൂർ, രാജേന്ദ്രൻ, നാദം മുരളി, എം.ടി. റിയാസ്, സായി വെങ്കിടേഷ് , സുരേഷ്, രവി, പ്രമോദ്, രതീഷ്, ഷാദുൽ ബ്രോൺ, ഷാനവാസ് ഖാൻ, അജിത്ത് പിണറായി, ഷൈജു, കൊച്ചു പ്രദീപ്, കൃഷ്ണ, ഗീത, അശ്വതി, പ്രീത, മാസ്റ്റർ നീലകണ്ഠൻ എന്നിവരാണ് മറ്റ് അഭിനേതാക്കൾ.