തിരുവനന്തപുരം: ഓൺലൈൻ വിദ്യാഭ്യാസം നടപ്പാക്കുന്നതിന്റെ ഭാഗമായി സംസ്ഥാനത്തെ മുഴുവൻ വിദ്യാർത്ഥികൾക്കും ഡിജിറ്റൽ പഠനോപകരണങ്ങൾ ലഭ്യമാക്കുമെന്ന് മന്ത്രി വി.ശിവൻകുട്ടി പറഞ്ഞു.കേരള എൻ.ജി.ഒ യൂണിയൻ തിരുവനന്തപുരം നോർത്ത് ജില്ലാ കമ്മിറ്റി പ്രാദേശിക ഭവന സന്ദർശനങ്ങളിലൂടെ സമാഹരിച്ച ഡിജിറ്റൽ പഠനോപകരണങ്ങളുടെ ആദ്യഘട്ട വിതരണോദ്ഘാടനം നിർവഹിക്കുകയായിരുന്നു മന്ത്രി.200 ടാബുകൾ മന്ത്രിയിൽ നിന്ന് തിരുവനന്തപുരം വിദ്യാഭ്യാസ ഉപഡയറക്ടർ എസ്.സന്തോഷ് കുമാർ ഏറ്റുവാങ്ങി. ജില്ലാ പ്രസിഡന്റ് കെ.എ. ബിജുരാജ് അദ്ധ്യക്ഷത വഹിച്ചു.യൂണിയൻ സംസ്ഥാന ട്രഷറർ എൻ.നിമൽരാജ്, ജില്ലാ സെക്രട്ടറി കെ.പി.സുനിൽകുമാർ, ട്രഷറർ കെ.എം.സക്കീർ എന്നിവർ സംസാരിച്ചു.