ആറ്റിങ്ങൽ: എറാസ്‌മസ് മുണ്ടസ് സ്കോളർഷിപ്പ് നേടിയ ആറ്റിങ്ങലുകാരി നാടിന് അഭിമാനമായി. യൂറോപ്യൻ യൂണിയന്റെ 44.5 ലക്ഷം രൂപയുടെ സ്കോളർഷിപ്പാണ് ആറ്റിങ്ങൽ മങ്കാട്ടുമൂല റസിഡ‌ന്റ്സ് അസോസിയേഷൻ ഹൗസ് നമ്പർ 10 ൽ സുരേഷ്‌ കുമാർ,​ ബിന്ദു ദമ്പതികളുടെ ഏക മകൾ ദേവിക സുരേഷിന് ലഭിച്ചത്. കടൽ ജീവികളുടെ ആരോഗ്യപരിപാലനവുമായി ബന്ധപ്പെട്ട പഠനത്തിനാണ് സ്കോളർഷിപ്പ്. മങ്കാട്ടുമൂല റസിഡന്റ്സ് അസോസിയേഷൻ ദേവികയെ അനുമോദിച്ചു. നഗരസഭ ചെയർപേഴ്സൺ അഡ്വ. എസ്. കുമാരി ഉപഹാരം സമ്മാനിച്ചു. എം.ആർ.എ പ്രസിഡന്റ് നാരായണപിള്ള,​ വാർഡ് കൗൺസിലർമാരായ ഷീജ,​ ബിനു,​ കവിത പ്രബുദ്ധറാം,​ എം.ആർ.എ സെക്രട്ടറി എസ്. സതീഷ് കുമാർ,​ ജഗീഷ് ബാബു എന്നിവർ സംസാരിച്ചു.