തിരുവനന്തപുരം: വെള്ളയമ്പലം സി.എഫ്.എൽ.ടി.സിയിൽ കൊവിഡ് ബാധിതയായ യുവതിയോട് അപമര്യാദയായി പെരുമാറിയ താത്കാലിക വോളന്റിയറെ പൊലീസ് അറസ്റ്റ് ചെയ്തു. തിട്ടമംഗലം പുലരി നഗർ തട്ടാശേരി വീട്ടിൽ ഷെറിൻ സെബാസ്റ്റ്യനെയാണ് (37) മ്യൂസിയം പൊലീസ് അറസ്റ്റ് ചെയ്തത്. സി.എഫ്.എൽ.ടി.സി.യിലെ ഡോക്ടറുടെ പരാതിയെ തുടർന്നാണ് അറസ്റ്റ്. തിങ്കളാഴ്ച രാത്രിയായിരുന്നു സംഭവം. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.