കിളിമാനൂർ: കിണറ്റിലകപ്പെട്ട മയിലിന് രക്ഷകരായി ഫയർഫോഴ്സ്. കഴിഞ്ഞ ദിവസം പാപ്പാല കണ്ണംകുളം ചരുവിള വീട്ടിൽ മോഹനൻ നായരുടെ കിണറ്റിലാണ് മയിൽ അകപ്പെട്ടത്. ഫയർഫോഴ്സിനെ വിവരം അറിയിക്കുകയും അവർ സ്ഥലത്തെത്തി മയിലിനെ രക്ഷിക്കുകയുമായിരുന്നു.

പതിവായി ഇവിടെയെത്തി ആഹാരം കഴിക്കാറുള്ള പെൺ മയിലാണ് ഇത്. ആഹാരം കഴിച്ച് പറന്ന് പൊങ്ങുന്നതിനിടയിൽ വലയിൽ കുരുങ്ങി കിണറ്റിൽ വീഴുകയായിരുന്നു. ഫയർഫോഴ്സ് രക്ഷിച്ച് വനം വകുപ്പ് അധികൃതരെ വിവരം അറിയിച്ചെങ്കിലും അവർ എത്തും മുൻപേ മയിൽ പറന്നു പോയി. സ്റ്റേഷൻ ഓഫീസർ ജോർജ്, എഫ്.ആർ.ഒമാരായ സജീവ്, അനിൽ കുമാർ ഹോം ഗാർഡ് അരവിന്ദ്, ദിനൂപ്, സിവിൽ ഡിഫൻസ് അംഗങ്ങളായ മഹേഷ് എന്നിവരടങ്ങുന്ന ഫയർഫോഴ്സ് അംഗങ്ങളാണ് മയിലിനെ രക്ഷിച്ചത്.