പ​ര​വൂർ: ക​ട ഉ​ട​മ​യെ​യും സഹോദരനെയും കു​ത്തി​പ്പ​രി​ക്കേൽ​പ്പിച്ച ശേഷം ഒളിവിൽപോയ മുൻജീവനക്കാരനെ തൂങ്ങിമരിച്ച നി​ല​യിൽ ക​ണ്ടെ​ത്തി. പൂ​ത​ക്കു​ളം കോ​ട്ടു​വൻ​കോ​ണം സ്വ​ദേ​ശി പാ​റ​വി​ള വീ​ട്ടിൽ സു​രേ​ഷാണ് (50)​ മരിച്ചത്. വ്യാ​ഴാ​ഴ്​ച രാ​ത്രി 12 ഓടെയാണ് സം​ഭ​വം. അന്ന് രാത്രി 9നാണ് കോ​ട്ടുവൻ​കോ​ണ​ത്ത് ക​ട ന​ട​ത്തു​ന്ന ഷൈ​ല​ജ​യെയും (39), സ​ഹോ​ദ​രൻ ക​ര​ടി​മു​ക്ക് സ്വ​ദേ​ശി വ​ട്ട​ച്ചാ​ലിൽ വീ​ട്ടിൽ ഷൈ​ജുവിനെയും (36) സു​രേഷ് കു​ത്തിപ്പരിക്കേൽപ്പിച്ചത്. ഷൈ​ജു​വി​ന് ഗു​രു​ത​ര​മാ​യി പ​രി​ക്കേ​റ്റിട്ടുണ്ട്. ഷൈ​ല​ജ​യുടെ പരിക്ക് നി​സാ​രമാണ്.
സു​രേ​ഷ് ഷൈ​ല​ജ​യു​ടെ ക​ട​യിൽ ജോ​ലി ചെ​യ്​തുവ​രു​ക​യാ​യി​രു​ന്നു. ഇ​തി​നി​ടെ ഇ​വ​രു​മാ​യി പ്ര​ശ്‌​ന​ങ്ങളുണ്ടാവുകയും മ​റ്റൊ​രു ക​ട​യി​ലേ​ക്ക് മാ​റുകയും ചെയ്തു. സു​രേ​ഷും ഷൈ​ല​ജ​യുമായുള്ള പ്രശ്നത്തിന്റെ പേരിൽ ഷൈ​ജു​വും സു​രേ​ഷും ത​മ്മിൽ നിരവധി തവണ തർ​ക്കമുണ്ടാവുകയും പൊ​ലീ​സിൽ പ​രാ​തി​പ്പെ​ടു​ക​യും ചെയ്തിട്ടുണ്ട്. സം​ഭ​വദി​വ​സം ഷൈ​ല​ജ​യെ ശ​ല്യം ചെ​യ്​തെന്ന് ആ​രോ​പി​ച്ച് സു​രേ​ഷി​നെ ഷൈ​ജു​വും കൂ​ട്ടു​കാ​രും ചേർ​ന്ന് മർദ്ദി​ച്ചു. മർ​ദ്ദ​ന​ത്തി​നി​ടെയാണ് സു​രേ​ഷ് ക​ത്തി​യെ​ടു​ത്ത് ഷൈ​ജു​വി​നെ കു​ത്തി​യ​ത്. ഉ​ടൻ ഷൈ​ജു​വി​നെ പാ​രി​പ്പ​ള്ളി മെ​ഡിക്കൽ കോ​ളേജിലേക്കും ​അവിടെ നിന്ന് തി​രു​വ​ന​ന്ത​പു​രം മെ​ഡി​ക്കൽ കോ​ളേ​ജി​ലേ​ക്കും മാ​റ്റി.

പ​രിക്കേ​റ്റ സു​രേ​ഷി​നെ പ്ര​ദേ​ശ​വാ​സി നെ​ടു​ങ്ങോ​ലം താ​ലൂ​ക്ക് ആ​ശു​പ​ത്രി​യിലെത്തിച്ചു. തു​ടർ​ന്ന് സു​രേ​ഷ് ബ​ന്ധു​വീ​ട്ടിൽ പോ​ക​ണ​മെ​ന്ന് പ​റ​ഞ്ഞ​പ്പോൾ ഇ​യാ​ളെ പ്ര​ദേ​ശ​വാ​സി കൂ​നം​കു​ള​ത്ത് ഇ​റ​ക്കി​വി​ട്ടു. കുത്തുകേസിൽ സു​രേ​ഷി​നെ പൊ​ലീ​സ് അന്വേഷിക്കുമ്പോഴാണ് കൂ​നം​കു​ള​ത്ത് ബ​ന്ധു​വീ​ട്ടിലുണ്ടെന്ന വി​വ​രം ല​ഭി​ച്ച​ത്. അർദ്ധ​രാ​ത്രി 12ന് പൊ​ലീ​സെ​ത്തി​യ​പ്പോ​ഴാ​ണ് വീ​ടി​ന്റെ പിൻ​ഭാ​ഗ​ത്തെ മാവിൽ സു​രേ​ഷി​നെ തൂ​ങ്ങിയ നി​ല​യിൽ കണ്ടെത്തിയത്. ഉ​ടൻ ആ​ശു​പ​ത്രി​യിലെ​ത്തി​ച്ചെ​ങ്കി​ലും മ​രിച്ചിരുന്നു. 30 വർ​ഷം മുമ്പ് സു​രേ​ഷ് മ​റ്റൊ​രു കേസിൽ കൊ​ല​പാ​ത​കക്കു​റ്റ​ത്തി​ന് ജ​യിൽ ശി​ക്ഷ അ​നു​ഭ​വി​ച്ചി​ട്ടു​ണ്ട്. ഭാ​ര്യ വി​ജ​യ​ല​ക്ഷ്​മി ര​ണ്ടുവർ​ഷ​ത്തോ​ള​മാ​യി വി​ദേ​ശ​ത്ത് ജോ​ലി ചെ​യ്യു​ക​യാ​ണ്. മ​ക്കൾ: വി​ദ്യ, വി​ഷ്​ണു, വൈ​ഷ്​ണ​വ്.