തിരുവനന്തപുരം:ജില്ലയിൽ ആദ്യമായി കുടുംബശ്രീ വനിതകൾ നേരിട്ട് നിർമ്മിച്ച എസ്റ്റിമേറ്റ് പരസ്യ ബോർഡുകളുടെ സ്ഥാപന ഉദ്ഘാടനം പാറശാല ഗ്രാമപഞ്ചായത്ത് പ്രസിഡന്റ് എൽ.മഞ്ജു സ്മിത നിർവഹിച്ചു.കോൺക്രീറ്റ് ബോർഡ് നിർമ്മാണം മുതൽ നിറംകൊടുത്ത് എസ്റ്റിമേറ്റ് എഴുതുന്നതുവരെയുള്ള എല്ലാ ജോലികളും കുടുംബശ്രീ പ്രവർത്തകരാണ് നിർവഹിച്ചത്.ജില്ലാ നിർമ്മിതി കേന്ദ്രത്തിനു കീഴിൽ 30 പേർ അടങ്ങിയ കുടുംബശ്രീ പ്രവർത്തകർക്ക് 45 ദിവസം പരിശീലനം നൽകിയാണു നിർമ്മാണ മേഖലയിലേയ്ക്ക് കൊണ്ടുവന്നത്.ബ്ലോക്ക് പഞ്ചായത്ത് അംഗങ്ങളായ വിനീത കുമാരി,എ.പി. അനിതാ റാണി, പഞ്ചായത്ത് വൈസ് പ്രസിഡന്റ് ആർ.ബിജു,സെക്രട്ടറി പി.വി. ഗോപകുമാർ,മറ്റ് പഞ്ചായത്ത് അംഗങ്ങൾ,കുടുംബശ്രീ അംഗങ്ങൾ തുടങ്ങിയവർ പങ്കെടുത്തു.