വക്കം: ആറായിരത്തോളം വൈദ്യുതി കണക്‌ഷനുകളുള്ള വക്കം ഗ്രാമ പഞ്ചായത്തിൽ മുടങ്ങാതെ വൈദ്യുതി ലഭ്യമാക്കണമെന്ന് സി.പി.എം വക്കം ലോക്കൽ കമ്മിറ്റി പ്രവർത്തകർ ആറ്റിങ്ങൽ ഇലക്ട്രിക്കൽ ഡിവിഷൻ എക്സിക്യൂട്ടീവ് എൻജിനിയർ ആർ.ആർ. ബിജുവിനെ നേരിൽ കണ്ട് ആവശ്യപ്പെട്ടു. അടിയന്തരമായി ബന്ധപ്പെട്ട ഉദ്യോഗസ്ഥരുടെ യോഗം വിളിച്ചു ചേർത്ത് പ്രശ്നത്തിന് ഉടൻ പരിഹാരം കാണാമെന്ന് എക്സിക്യൂട്ടീവ് എൻജിനിയർ ഉറപ്പു നൽകി. ജില്ലാ പഞ്ചായത്ത് വൈസ് പ്രസിഡന്റ് അഡ്വ. ഷൈലജാ ബീഗം, ഗ്രാമ പഞ്ചായത്തംഗങ്ങളായ ബി. നൗഷാദ്, ജെ. ജയ, പാർട്ടി ലോക്കൽ കമ്മിറ്റി സെക്രട്ടറി അഞ്ചുതെങ്ങ് സുരേന്ദ്രൻ എന്നിവരുടെ നേതൃത്വത്തിലാണ് എക്സിക്യൂട്ടീവ് എൻജിനിയറെ നേരിൽ കണ്ടു പരാതി നൽകിയത്.