കൽപ്പറ്റ: ജില്ലയിൽ ഇന്നലെ 276 പേർക്ക് കൊവിഡ് സ്ഥിരീകരിച്ചു. 8.73 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 273 പേർക്ക് സമ്പർക്കത്തിലൂടെയാണ് രോഗബാധ. 2 ആരോഗ്യ പ്രവർത്തകർക്കും വൈറസ് ബാധിച്ചു. 300 പേർ ഇന്നലെ രോഗമുക്തി നേടി. നിലവിൽ 3099 പേരാണ് ജില്ലയിൽ ചികിത്സയിലുള്ളത്. ഇവരിൽ 2073 പേർ വീടുകളിൽ ഐസൊലേഷനിൽ കഴിയുകയാണ്.

ഇതുവരെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 66124 ആയതായി ഡി.എം.ഒ ഡോ.ആർ.രേണുക പറഞ്ഞു. 62,488 പേർ രോഗമുക്തരായി.

 സമ്പർക്കം
മുള്ളൻകൊല്ലി 46, വെള്ളമുണ്ട 44, അമ്പലവയൽ 25, ബത്തേരി 22, നെന്മേനി 20, പൂതാടി 15, കണിയാമ്പറ്റ 12, പുൽപ്പള്ളി, മീനങ്ങാടി 10 വീതം, പൊഴുതന 8, കൽപ്പറ്റ, മാനന്തവാടി, തവിഞ്ഞാൽ 7 വീതം, മേപ്പാടി 6, മുട്ടിൽ, പടിഞ്ഞാറത്തറ, തരിയോട്, തിരുനെല്ലി അഞ്ചു വീതം, നൂൽപ്പുഴ, വെങ്ങപ്പള്ളി, പനമരം 3 വീതം, മൂപ്പൈനാട് 2, എടവക, കോട്ടത്തറ, വൈത്തിരി 1 വീതം.

 നിരീക്ഷണത്തിൽ 1013 പേർ
ഇന്നലെ പുതുതായി നിരീക്ഷണത്തിലായത് 1013 പേരാണ്. 973 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 11,554 പേർ. ഇന്നലെ പുതുതായി 78 പേർ ആശുപത്രിയിൽ നിരീക്ഷണത്തിലായി. കഴിഞ്ഞ 24 മണിക്കൂറിൽ ജില്ലയിൽ നിന്ന് 2791 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ ആകെ അയച്ചത് 5,15,404 സാമ്പിളുകളാണ്. ഇതിൽ 4,98,685 എണ്ണത്തിന്റെ ഫലം ലഭിച്ചു. 4,32,561 പേർ നെഗറ്റീവും 66,124 പേർ പോസിറ്റീവുമാണ്.

 വിദേശത്തേക്ക് പോകുന്നവർക്ക്

ഇന്ന് വാക്‌സിനേഷൻ ക്യാമ്പ്

വിദേശരാജ്യങ്ങളിലേക്ക് പോകുന്നവർക്കുള്ള കൊവിഡ് വാക്‌സിനേഷൻ ക്യാമ്പ് ഇന്ന് കൽപ്പറ്റ എസ്. ഡി. എം. എൽ. പി സ്‌കൂളിൽ നടക്കും. സർക്കാരിന്റെ ഇ ഹെൽത്ത് പോർട്ടലിൽ രജിസ്റ്റർ ചെയ്തവർക്ക് മാത്രമാണിത്. രാവിലെ 9 മുതൽ ഉച്ചയ്ക്ക് 2 വരെയായിരിക്കും ക്യാമ്പ്.