കൽപ്പറ്റ: വയനാട് ജില്ലയിൽ ഇന്നലെ 526 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. ആർ. രേണുക അറിയിച്ചു. 387 പേർ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 13.07 ആണ്. 523 പേർക്ക് സമ്പർക്കത്തിലൂടെയാണ് രോഗബാധ. 5 ആരോഗ്യ പ്രവർത്തകർക്കും രോഗം ബാധിച്ചു.

തമിഴ്‌നാട്ടിൽ നിന്ന് വന്ന 3 പേരാണ് ഇതര സംസ്ഥാനത്ത് നിന്നെത്തി രോഗബാധിതരായത്.

ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 73584 ആയി. 68303 പേർ ഇതുവരെ രോഗമുക്തരായി. നിലവിൽ 4450 പേരാണ് ജില്ലയിൽ ചികിത്സയിലുള്ളത്. ഇവരിൽ 3251 പേർ വീടുകളിലാണ് ഐസൊലേഷനിൽ കഴിയുന്നത്.

സമ്പർക്കം
മാനന്തവാടി 67, മേപ്പാടി 65, അമ്പലവയൽ 60, മൂപ്പൈനാട് 47, തവിഞ്ഞാൽ 26, പൊഴുതന 25, ബത്തേരി 22 വെള്ളമുണ്ട, നെന്മേനി 20 വീതം, തരിയോട് 16, മീനങ്ങാടി, കണിയാമ്പറ്റ 15 വീതം, മുട്ടിൽ, നൂൽപ്പുഴ 14 വീതം, മുള്ളൻകൊല്ലി 13, പൂതാടി, വെങ്ങപ്പള്ളി 12 വീതം, എടവക, കൽപ്പറ്റ, പടിഞ്ഞാറത്തറ, പനമരം 10 വീതം, വൈത്തിരി, തിരുനെല്ലി 6 വീതം, പുൽപ്പള്ളി 5, കോട്ടത്തറ 2, തൊണ്ടർനാട് സ്വദേശിയായ ഒരാളുമാണ് സമ്പർക്കത്തിലൂടെ രോഗബാധിതരായത്.

 നിരീക്ഷണത്തിൽ
കൊവിഡുമായി ബന്ധപ്പെട്ട് ജില്ലയിൽ ഇന്നലെ പുതുതായി നിരീക്ഷണത്തിലായത് 957 പേരാണ്. 1233 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 13601 പേർ. ഇന്നലെ പുതുതായി 78 പേർ ആശുപത്രിയിൽ നിരീക്ഷണത്തിലായി. ജില്ലയിൽ നിന്ന് 3919 സാമ്പിളുകളാണ് ഇന്നലെ പരിശോധനയ്ക്ക് അയച്ചത്. ഇതുവരെ 573999 സാമ്പിളുകളാണ് പരിശോധനയ്ക്ക് അയച്ചത്. ഇതിൽ 534857 എണ്ണത്തിന്റെ ഫലം ലഭിച്ചു. 461273 പേർ നെഗറ്റീവും 73584 പേർ പോസിറ്റീവുമാണ്.