കൽപ്പറ്റ: ജില്ലയിൽ ഇന്നലെ 383 പേർക്ക് കൊവിഡ് സ്ഥിരീകരിച്ചു. 10.04 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 382 പേർക്ക് സമ്പർക്കത്തിലൂടെയാണ് രോഗബാധ. ഇവരിൽ 9 ആരോഗ്യ പ്രവർത്തകരും ഉൾപ്പെടും. ദമ്മാമിൽ നിന്ന് വന്ന നെന്മേനി സ്വദേശി പോസിറ്റിവായി. 423 പേർ രോഗമുക്തി നേടി.

നിലവിൽ 4552 പേരാണ് ജില്ലയിൽ ചികിത്സയിലുള്ളതെന്ന് ഡി.എം.ഒ ഡോ. ആർ.രേണുക പറഞ്ഞു. ഇവരിൽ 3384 പേർ വീടുകളിലാണ് ഐസൊലേഷനിൽ കഴിയുന്നത്. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 73,967 ആയി.

ഇതിനകം രോഗമുക്തരായത് 68726 പേർ.

 സമ്പർക്കം
എടവക 77, മുട്ടിൽ 29, ബത്തേരി 26, മേപ്പാടി 23, കോട്ടത്തറ 18, മുള്ളൻകൊല്ലി, വെള്ളമുണ്ട 17 വീതം, പൂതാടി 16, പനമരം 15, അമ്പലവയൽ 14, മീനങ്ങാടി 13, പടിഞ്ഞാറത്തറ 12, തരിയോട്, മാനന്തവാടി, വൈത്തിരി 11 വീതം, കൽപ്പറ്റ 10, നെന്മേനി, നൂൽപ്പുഴ, തിരുനെല്ലി 9 വീതം, പുൽപ്പള്ളി 8, കണിയാമ്പറ്റ, തവിഞ്ഞാൽ 6 വിതം, മൂപ്പൈനാട് 5, പൊഴുതന 4, തൊണ്ടർനാട്, വെങ്ങപ്പള്ളി സ്വദേശികളായ 3 വീതം.

 നിരീക്ഷണത്തിൽ 1005 പേർ
ഇന്നലെ 1005 പേരാണ് നിരീക്ഷണത്തിലായത്. ഇവരിൽ 58 പേർ ആശുപത്രിയിലാണ്. 1163 പേർ നിരീക്ഷണകാലം പൂർത്തിയാക്കി.നിലവിൽ നിരീക്ഷണത്തിലുള്ളത് 13,443 പേർ.

കഴിഞ്ഞ 24 മണിക്കൂറിനിടെ 4135 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് വിട്ടത് ആകെ 5,78,134 സാമ്പിളുകളാണ്. ഇതിൽ 5,36,838 എണ്ണത്തിന്റെ ഫലം ലഭിച്ചു. 4,62,871 പേർ നെഗറ്റീവും 73,967 പേർ പോസിറ്റീവുമായി.