ചേർത്തല: ഇന്റർസി​റ്റി എക്‌സ് പ്രസ് ഇന്നലെ ചേർത്തല റെയിൽവേ സ്റ്റേഷനിലൂടെ നിശ്ചിത സമയത്തിലും 10 മിനി​റ്റ് മുമ്പേ കടന്നുപോയതിനാൽ നിരവധി യാത്രക്കാരുടെ യാത്ര മുടങ്ങി.

ഇന്നലത്തെ ഇന്റർസി​റ്റി യാത്രയ്ക്കായി വ്യാഴാഴ്ച്ച എടുത്ത ടിക്ക​റ്റിൽ ചേർത്തലയിലെ സമയം 6.10 എന്നാണ് രേഖപ്പെടുത്തിയിരുന്നത്. എന്നാൽ 6 ന് ട്രെയിൻ കടന്നു പോയെന്നാണ് യാത്രക്കാർ പറയുന്നു. ട്രെയിന്റെ സമയം മാറിയ വിവരം യാത്രക്കാർക്ക് അറിയാൻ കഴിഞ്ഞതുമില്ല. സമയ മാ​റ്റം സംബന്ധിച്ച് ടിക്ക​റ്റ് എടുത്തവർക്ക് മെസേജ് അയച്ചിരുന്നതായി റെയിൽവേ അധികൃതർ പറയുന്നു.
ഇന്നലെ മുതൽ സമയ മാ​റ്റം വന്നു. പുതിയ സമയക്രമം അനുസരിച്ച് ചേർത്തലയിൽ രാവിലെ 6 ന് ഇന്റർസി​റ്റി എത്തും.