മാവേലിക്കര : ഗാന്ധി ജയന്തി ദിനാചരണത്തോടനുബന്ധിച്ച് സിവിൽ സ്റ്റേഷൻ റസിഡന്റ്സ് അസോസിയേഷനും (സി.എസ്.ആർ.എ) എക്സൈസും സംയുക്തമായി കുട്ടികളെ പങ്കെടുപ്പിച്ച് ഇന്ന് വിമുക്തി ലഹരി വിരുദ്ധ സൈക്കിൾ റാലി നടത്തും. രാവി​ലെ ഒൻപതി​ന് മാവേലിക്കര കോടതി ജംഗ്ഷനിൽ റാലി മുനിസിപ്പൽ ചെയർമാൻ കെ.വി. ശ്രീകുമാർ ഫ്ളാഗ് ഒഫ് ചെയ്യും. മുനിസിപ്പൽ കൗൺസിലർമാരായ വിജയമ്മ ഉണ്ണിക്കൃഷ്ണൻ, സബിത അജിത്ത്, മാവേലിക്കര എക്സൈസ് ഇൻസ്പെക്ടർ ജയരാജ്, സി.എസ്.ആർ.എ പ്രസിഡന്റ് രാമചന്ദ്രൻ നായർ, സെക്രട്ടറി ശിരാവള്ളി ഹരി നമ്പൂതിരി, ട്രഷറർ രവീന്ദ്രൻ നായർ, പ്രോഗ്രാം കൺവീനർ രവികുമാർ, വൈസ് പ്രസിഡന്റ് വിജയകുമാരി, ശ്രീജ പ്രദീപ് എന്നിവർ റാലിക്ക് നേതൃത്വം നൽകും.