ആലപ്പുഴ: മുല്ലയ്ക്കൽ ശ്രീ രാജരാജേശ്വരീ ക്ഷേത്രത്തിലെ ഈ വർഷത്തെ നവരാത്രി ഉത്സവത്തിന് ഭക്തി നിർഭരമായ തുടക്കം. 15 ന് സമാപിക്കും. തന്ത്രി പുതുമന ദാമോദരൻ നമ്പൂതിരിയുടെ കാർമ്മികത്വത്തിൽ കൊടിയേറ്റ് നടന്നു. മുല്ലയ്ക്കൽ അമ്മയെക്കുറിച്ച് സതീഷ് ആലപ്പുഴ രചിച്ച ഭക്തിഗാനങ്ങളുടെ സി.ഡി ക്ഷേത്രം തന്ത്രി പ്രകാശനം ചെയ്തു.ക്ഷേത്രോപദേശക സമിതി പ്രസിഡന്റ് ജി. വിനോദ് കുമാർ, അസിസ്റ്റന്റ് ദേവസ്വം കമ്മിഷണർ ജയകുമാർ, സബ് ഗ്രൂപ്പ് ഓഫീസർ ഗോവിന്ദൻ പോറ്റി, രക്ഷാധികാരികളായ ആർ. കൃഷ്ണൻ, വെങ്കിട്ടരാമൻ, മണി സ്വാമി,വെങ്കിട്ടേശ്വരൻ, ക്ഷേത്രം മേൽശാന്തി ശങ്കരൻ തിരുമേനി, ഉപദേശക സമിതി ഭാരവാഹികളായ ജി.സതീഷ് കുമാർ, വെങ്കിടേഷ് കുമാർ, പി. അനിൽ കുമാർ, കമ്മറ്റി അംഗങ്ങളായ കെ.രാമചന്ദ്രൻ നായർ, ബി.വിജയൻ, കെ.എം.ബാബു, ഹരികുട്ടൻ,നാരായണൻ എന്നിവർ പങ്കെടുത്തു.