ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയനിലെ യൂത്ത്മൂവ്‌മെന്റ് യൂണിയന്റെ ആഭിമുഖ്യത്തിൽ സരസകവി മൂലൂർ സ്മാരക എവറോളിംഗ് ട്രോഫിക്കു വേണ്ടിയുള്ള ഫുട്‌ബാൾ ടൂർണമെന്റ് 14 മുതൽ 17 വരെ മെഴുവേലി പത്മനാഭോദയം ഹയർസെക്കൻഡറി സ്‌കൂളിൽ നടക്കും.

14ന് വൈകിട്ട് 3ന് മന്ത്രി സജിചെറിയാൻ ടൂർണമെന്റ് ഉദ്ഘാടനം ചെയ്യും. എസ്.എൻ.ഡിപി.യോഗം ചെങ്ങന്നൂർ യൂണിയൻ ചെയർമാൻ എം.ബി.ശ്രീകുമാർ അദ്ധ്യക്ഷത വഹിക്കും. യോഗം ലീഗൽ അഡ്വൈസർ അഡ്വ.രാജൻ ബാബു മുഖ്യാതിഥിയാകും. യൂത്ത്മൂവ്‌മെന്റ് സംസ്ഥാന സെക്രട്ടറി രാജേഷ് നെടുമങ്ങാട് സംഘടനാ സന്ദേശം നൽകും. മെഴുവേലി പഞ്ചായത്ത് പ്രസിഡന്റ് പിങ്കി ശ്രീധരൻ എവറോളിംഗ് ട്രോഫികൾ ഏറ്റുവാങ്ങും. ഗ്രാമപഞ്ചായത്ത് അംഗം ശ്രീദേവി ടോണി, യൂണിയൻ അഡ്.കമ്മറ്റി അംഗങ്ങളായ അനിൽ അമ്പാടി, എസ്.ദേവരാജൻ, എം.പി.സുരേഷ്, കെ.ആർ.മോഹനൻ, ബി.ജയപ്രകാശ് തൊട്ടാവാടി, മോഹനൻ കൊഴുവല്ലൂർ വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ സെക്രട്ടറി റീന അനിൽ, മെഴുവേലി ശാഖാ അഡ്.കമ്മറ്റി വൈസ് ചെയർമാൻ സുരേഷ് കുമാർ, കൺവീനർ പ്രവീൺകുമാർ, യൂത്ത്മൂവ്‌മെന്റ് യൂണിയൻ അഡ്.കമ്മറ്റി അംഗം മഹേഷ് എസ് എന്നിവർ സംസാരിക്കും. ചെങ്ങന്നൂർ യൂണിയൻ കൺവീനർ അനിൽ പി.ശ്രീരംഗം സ്വാഗതവും യൂത്ത്മൂവ്‌മെന്റ് യൂണിയൻ കൺവീനർ അരുൺ തമ്പി നന്ദിയും പറയും.
17ന് വൈകിട്ട് 6ന് വിജയികൾക്കുള്ള ട്രോഫികൾ മുൻ എം.എൽ.എ കെ.സി.രാജഗോപാൽ സമ്മാനിക്കും. ജോബി പാല മുഖ്യാതിഥിയാകും. ശാഖാ വൈസ് ചെയർമാൻ സുരേഷ് കുമാർ അദ്ധ്യക്ഷത വഹിക്കും. 65ാം നമ്പർ ശാഖാ ജോ.കൺവീനർ രാഹുൽ രാജ് സ്വാഗതവും ടൂർണമെന്റ് കമ്മറ്റി കൺവീനർ പ്രമോദ് നന്ദിയും പറയും. ടൂർണമെന്റിൽ ചെങ്ങന്നൂർ യൂണിയനിലെ 12 യൂണിറ്റുകളിൽ നിന്നുള്ള ടീമുകൾ മത്സരിക്കുമെന്ന് യൂത്ത്മൂവ്‌മെന്റ് കൺവീനർ അരുൺ തമ്പി പറഞ്ഞു.