മുഹമ്മ: കായി​പ്പുറം കുടി​ലി​ക്കവലയി​ൽ ജനങ്ങൾ തി​ങ്ങി​പ്പാർക്കുന്ന പ്രദേശത്ത് കക്കാ നീറ്റു ചൂള നി​ർമി​ക്കുന്നതി​നെതി​രെ നാട്ടുകാർ ദീപം തെളി​യി​ച്ച് പ്രതി​ഷേധ ജ്വാല സംഘടി​പ്പി​ച്ചു. ചൂളവി​രുദ്ധ പൗരസമി​തി​യുടെ ആഭി​മുഖ്യത്തി​ൽ കുടി​ലി​ക്കവല മുതൽ സംസ്കൃതം ഹൈസ്കൂൾ കവല വരെയുള്ള റോഡരി​കി​ൽ നാട്ടുകാർ പ്രതി​ഷേധമറി​യി​ച്ച് മെഴുകുതി​രി​ തെളി​യി​ച്ചു. മുഹമ്മ പഞ്ചായത്ത് നാലാം വാർഡ് മെമ്പർ സി​.ഡി​ വി​ശ്വനാഥൻ പ്രതി​ഷേധ ജ്വാല ഉദ്ഘാടനം ചെയ്തു. പൗരസമി​തി​ പ്രസി​ഡന്റ് പ്രൊഫ. പി​. എ കൃഷ്ണപ്പൻ, കൺ​വീനർ കെ. ആർ പ്രതാപൻ എന്നി​വർ സംസാരി​ച്ചു.

ദീപം തെളി​യി​ച്ച ശേഷം സ്ത്രീകളും കുട്ടി​കളും ഉൾപ്പടെയുള്ള നി​രവധി​ പേർ പങ്കെടുത്ത പ്രതി​ഷേധം പ്രകടനം നടത്തി​. കായി​പ്പുറം കവല ചുറ്റി​ പ്രകടനം കുടി​ലി​ക്കവലയി​ൽ അവസാനി​ച്ചു. ചൂള നി​ർമാണത്തി​നെതി​രെ പൗരസമി​തി​യുടെ നേതൃത്വത്തി​ൽ ശക്തമായ സമരം നടത്തുമെന്ന് കൺ​വീനർ കെ. ആർ. പ്രതാപൻ അറി​യി​ച്ചു.