ചേർത്തല: വിദ്യാരംഭം ചടങ്ങുകളിലും മത സൗഹാർദ്ദത്തിന്റെ സന്ദേശം നൽകി കണ്ടമംഗലം രാജരാജേശ്വരി ക്ഷേത്രം.അദ്ധ്യാപക അവാർഡ് ജേതാവായ കോനാട്ടുശേരി ഗവ.എൽ.പി സ്‌കൂൾ പ്രഥമാധ്യാപിക താഹിറാബീവിയാണ് ക്ഷേത്രനടയിലെ സരസ്വതീ വിഗ്രഹത്തിന് മുന്നിൽ കുരുന്നുകൾക്ക് ആദ്യാക്ഷരം കുറിച്ചത്..160 കുട്ടികൾ ക്ഷേത്രത്തിൽ ആദ്യാക്ഷരം കുറിച്ചു.
ക്ഷേത്രസമിതിയുടെ നേതൃത്വത്തിൽ താഹിറാബീവിക്ക് ആദരവും നൽകി.ബധിരയും മൂകയുമായ മുസ്ലീംവനിത ജമീലക്ക് ക്ഷേത്രത്തോട് ചേർന്ന് വീടുനിർമ്മിച്ചു നൽകി സംരക്ഷിക്കുന്ന ക്ഷേത്രഭരണസമിതി ജാതിമത ചിന്തകൾക്കതീതമായ പ്രവർത്തനങ്ങളാണ് നടത്തി വരുന്നത്.
മേൽശാന്തി പി.കെ.ചന്ദ്രദാസ് ,ക്ഷേത്രയോഗം പ്രസിഡന്റ് പി.ഡി.ഗഗാറിൻ,സെക്രട്ടറി ഇൻചാർജ്ജ് നാരായണൻ, വൈസ് പ്രസിഡന്റ് എൻ.എൻ.സജി, ഖജാൻജി സജേഷ് നന്ദ്യാട്ട് ഭരണസമിതിയംഗങ്ങൾ തുടങ്ങിയവർ നേതൃത്വം നൽകി.