ചേർത്തല: ആറുമാസം മുമ്പ് മരിച്ച കണ്ടക്ടറെ ചേർത്തല ഡിപ്പോയിൽ നിന്ന് എറണാകുളം ഡിപ്പോയിലേക്ക് സ്ഥലംമാ​റ്റി കെ.എസ്.ആർ.ടി.സിയുടെ ഉത്തരവ്. ചേർത്തല ഡിപ്പോയിലെ കണ്ടക്ടറായിരുന്ന പൂച്ചാക്കൽ സ്വദേശി ഫസൽ റഹ്മാൻ(36)ആറ് മാസം മുമ്പ് കൊവിഡ് ബാധിതനായി മരിച്ചിരുന്നു. എന്നാൽ, കെ.എസ്.ആർ.ടി.സി കഴിഞ്ഞ ദിവസം ഇറക്കിയ സ്ഥലംമാ​റ്റ പട്ടികയിൽ ഫസൽ റഹ്മാനെയും ഉൾപ്പെടുത്തി.
കരട് പട്ടികയിൽ ഇല്ലാതിരുന്ന പേരാണ് അന്തിമ പട്ടികയിൽ ഉൾപ്പെട്ടത്.മരണം യഥാസമയം റിപ്പോർട്ട് ചെയ്തിരുന്നതാണെന്ന് വീട്ടുകാർ പറഞ്ഞു. സാങ്കേതികപിഴവാണ് ഫസൽ പട്ടികയിൽ ഉൾപ്പെടാൻ കാരണമെന്ന് കെ.എസ്.ആർ.ടി.സി അധികൃതർ പറഞ്ഞു.