ചേർത്തല: ഗ്രാമോദയം ചാരി​റ്റബിൾ ട്രസ്​റ്റ് കൊറോണക്കാലത്ത് കുട്ടികൾക്കായി സംഘടിപ്പിച്ച വെർച്ച്വൽ കലാവേദി 2021 ന്റെ ഫലപ്രഖ്യാപനവും സമ്മാനവിതരണവും ഗാനരചയിതാവ് രാജീവ് ആലുങ്കൽ നിർവഹിച്ചു. പ്രസിഡന്റ് മരുത്തോർവട്ടം ഉണ്ണിക്കൃഷ്ണൻ അദ്ധ്യക്ഷത വഹിച്ചു.പുല്ലാങ്കുഴൽ കലാകാരൻ രാജേഷ് ചേർത്തല മുഖ്യാതിഥിയായി.മുഖ്യ രക്ഷാധികാരി മഹാദേവൻ കോക്കോ ടഫ്​റ്റ്,രക്ഷാധികാരികളായ സൈറസ് റോസ് ഗാർഡൻസ്, മുഹമ്മദ് യഹിയ,വൈസ് പ്രസിഡന്റ് 'സൈഗാൾ അമ്പാടി എന്നിവർ സംസാരിച്ചു. സെക്രട്ടറി ജെ.പി.വിനോദ് സ്വാഗതവും ജോയിന്റ് സെക്രട്ടറി മനുപാലിയത്തറ നന്ദിയും പറഞ്ഞു.