ചേർത്തല: പുന്നപ്ര–വയലാർ രക്തസാക്ഷിത്വത്തിന്റെ 75–ാം വാർഷിക വാരാചരണത്തിന് വയലാറിൽ ചെങ്കൊടി ഉയർന്നു. വയലാർ രക്തസാക്ഷി മണ്ഡപത്തിൽ സി.പി.എം ജില്ലാ സെക്രട്ടറി ആർ.നാസറാണ് പതാക ഉയർത്തിയത്.

വ്യാഴാഴ്ച രാവിലെ മേനാശേരി രക്തസാക്ഷി മണ്ഡപത്തിൽ സി.പി.എം സംസ്ഥാന കമ്മി​റ്റിയംഗം സി.ബി. ചന്ദ്രബാബു സി.പി.ഐ സംസ്ഥാന കൗൺസിലംഗം എം.കെ ഉത്തമന് കൈമാറിയ പതാകയാണ് വയലാറിൽ ഉയർത്തിയത്.

പതാക ഉയർത്തൽ സമ്മേളനത്തിൽ മന്ത്റിമാരായ പി.രാജീവ്, പി.പ്രസാദ്,സി.പി.എം ജില്ലാ സെക്രട്ടറി ആർ. നാസർ എന്നിവർ സംസാരിച്ചു. വാരാചരണ കമ്മി​റ്റി പ്രസിഡന്റ് എൻ.എസ്.ശിവപ്രസാദ് അദ്ധ്യക്ഷനായി. സെക്രട്ടറി പി.കെ.സാബു സ്വാഗതംപറഞ്ഞു. സി.പി.ഐ ജില്ലാ സെക്രട്ടറി ടി.ജെ.ആഞ്ചലോസ്, സി.പി.എം സംസ്ഥാന കമ്മി​റ്റിയംഗം സി.ബി.ചന്ദ്രബാബു, എ.എം.ആരിഫ് എം.പി, എം.കെ.ഉത്തമൻ, കെ.പ്രസാദ്, മനു സി. പുളിക്കൽ, പി.എം.അജിത്ത്കുമാർ, കെ.രാജപ്പൻ നായർ, എം.സി.സിദ്ധാർഥൻ,എൻ.ആർ.ബാബുരാജ്, കെ.കെ.പ്രഭാകരൻ, ദലീമ ജോജോ എം.എൽ.എ, എൻ.പി ഷിബു എന്നിവർ പങ്കെടുത്തു.