മാവേലിക്കര: എസ്.എൻ.ഡി.പി യോഗം മാവേലിക്കര ടൗൺ നോർത്ത് ശാഖായോഗത്തിൽ പ്രതിഷ്ഠാ വാർഷികവും ഉന്നത വിജയം നേടിയ വിദ്യാർത്ഥിയെ അനുമോദിക്കൽ ചടങ്ങും നടത്തി. മാവേലിക്കര യൂണിയൻ കൺവീനർ ഡോ.എ.വി.ആനന്ദരാജ് ഉദ്ഘാടനം ചെയ്തു. ശാഖാ പ്രസിഡന്റും മുനിസിപ്പൽ കൗൺസിലറുമായ സജീവൻ പ്രായിക്കര അദ്ധ്യക്ഷനായി. യൂണിയൻ ജോയിന്റ് കൺവീനർ ഗോപൻ ആഞ്ഞിലിപ്ര, അഡ്‌ഹോക്ക് കമ്മിറ്റി അംഗം വിനു ധർമ്മരാജൻ, ട്രസ്റ്റ് ബോർഡംഗം എൻ.വിനയചന്ദ്രൻ, ശാഖ സെക്രട്ടറി പ്രസാദ്‌ തുടങ്ങിയവർ സംസാരിച്ചു. ഉന്നത വിജയം കരസ്ഥമാക്കിയ ആദിത്യനെ അനുമോദിച്ചു.