അമ്പലപ്പുഴ: റീബിൽഡ് കേരള പദ്ധതിയിൽ ഉൾപ്പെടുത്തി 35 ലക്ഷം രൂപ ചെലവിൽ നിർമ്മിക്കുന്ന റോഡിന്റെ നിർമ്മാണോദ്ഘാടനം എച്ച്. സലാം എം.എൽ.എ നിർവഹിച്ചു. പുറക്കാട് പഞ്ചായത്തിലെ തോട്ടപ്പള്ളിയിൽ ദേശീയപാതയിൽ നിന്ന് സി. കേശവൻ പാലം വരെയുള്ള 750 മീറ്റർ നീളം വരുന്ന റോഡിന്റെ നിർമ്മാണമാണ് ആരംഭിച്ചത്. കനാൽ ജംഗ്ഷന് സമീപം ചേർന്ന യോഗത്തിൽ ബ്ലോക്ക് പഞ്ചായത്ത് പ്രസിഡന്റ് അഡ്വ. ഷീബ രാകേഷ് അദ്ധ്യക്ഷയായി. ഗ്രാമപഞ്ചായത്ത് പ്രസിഡന്റ് എ.എസ്. സുദർശനൻ, ജില്ലാ പഞ്ചായത്തംഗം പി. അഞ്ജു, പഞ്ചായത്ത് വൈസ് പ്രസിഡന്റ് വി.എസ്. മായാദേവി, ബി.ഡി.ഒ എം. മഞ്ജു എന്നിവർ സന്നിഹിതരായി.