# മലക്കപ്പാറയിലേക്ക് ഉല്ലാസയാത്ര

ഹരിപ്പാട്: കെ.എസ്.ആർ.ടി.സിയുടെ ഹരിപ്പാട് - മലക്കപ്പാറ ഏകദിന ഉല്ലാസ യാത്രയുടെ അടുത്ത ട്രിപ്പ്‌ നവംബർ 7ന്. രാവിലെ 4.45ന് ബസ് ഹരിപ്പാട് നിന്ന് പുറപ്പെട്ട് ആതിരപ്പള്ളി വ്യൂ പോയിന്റ്, ചാർപ്പ വെള്ളച്ചാട്ടം, പെരിങ്ങൽക്കുത്ത് ഡാം റിസർവോയർ, ആനക്കയം പാലം, ഷോളയാർ ഡാം, വാൽവ് ഹൗസ്, പെൻസ്റ്റോക്ക്, നെല്ലികുന്ന്, മലക്കപ്പാറ ടീ എസ്റ്റേറ്റ് എന്നിവിടങ്ങൾ കണ്ട് മടങ്ങും. 60 കിലോമീറ്ററോളം ദൂരം വനത്തിനുള്ളിലൂടെ സഞ്ചരിക്കുന്നതിനാൽ കാട്ടുമൃഗങ്ങളെ കാണാനും സാദ്ധ്യതയുണ്ട്.

പ്രകൃതി ഭംഗി നുകർന്ന് മലക്കപ്പാറയിലെത്തി വൈകുന്നേരത്തോടെ കോടമഞ്ഞിന്റെ തണുപ്പിലാണ് തിരികെ യാത്ര. ഭക്ഷണത്തിനായി നല്ല ഹോട്ടലുകളിൽ ബസ് നിറുത്തും. മലക്കപ്പാറയിൽ നാടൻ ഭക്ഷണം കഴിക്കാനും അവസരമുണ്ട്. ആദ്യ ട്രിപ്പ് 31ന് പുറപ്പെടും. നവംബർ 7ലെ യാത്രയ്ക്കായി ബുക്കിംഗ് ആരംഭിച്ചു.

ഒരാൾക്ക് യാത്രാക്കൂലി: ₹ 600

ഹരിപ്പാട് ഡിപ്പോ എൻക്വയറി: 0479 2412620

മൊബൈൽ - 89214 51219, 9947812214, 9447975789, 9947573211, 8139092426

കൺട്രോൾറൂം: 9447071021,​ 0471-2463799

ഇ ​- മെയിൽ: hpd@kerala.gov.in

""

വാരാന്ത്യ ദിനത്തിലെ കാനന ഭംഗി നുകർന്നുള്ള യാത്ര അസുലഭ സന്ദർഭങ്ങളാണ് സമ്മാനിക്കുന്നത്. യാത്രാ നിരക്കും കുറവാണ്.

കെ.എസ്.ആ‍‌ർ.ടി.സി അധികൃതർ