ഹരിപ്പാട്: ഹരിപ്പാട് റോട്ടറി ക്ലബ് കുടുംബസംഗമം ഗാന്ധി ഭവൻ അന്തേവാസികൾക്കൊപ്പം ആഘോഷി​ച്ചു.

പ്രളയം ബാധിച്ച ഹരിപ്പാട് ഗാന്ധിഭവൻ അന്തേവാസികളെ സോൺ 21 എ. ജി രശ്മി പ്രസാദ് മുൻകൈ എടുത്ത് ഹരിപ്പാട് റോട്ടറി ക്ലബ് കഴിഞ്ഞ 7 ദിവസമായി ഏറ്റെടുത്തുസംരക്ഷിച്ചുവരികയാണ്. ഓരോ ദിവസവും ഓരോ ക്ലബ് അംഗവും ഇവരുടെ ഭക്ഷണച്ചെലവുകൾ ഏറ്റെടുത്തു ചെയ്തുവരികയാണ്. ഇവരോടൊപ്പമാണ് നാലാമത് ഫാമിലി മീറ്റിംഗ് ഹരിപ്പാട് റോട്ടറി ക്ലബ് ഉത്സവമാക്കി മാറ്റിയത് . 24 ഇന്റർനാഷണൽ മെഡലുകൾ ഭാരതത്തിനു വേണ്ടി കരസ്ഥമാക്കിയ റൊട്ടേറിയൻ കൂടിയായ ജോബി മാത്യു മുഖ്യാതിഥിയായി. ഒരു അപകടത്തിൽ സാരമായ പരിക്കുപറ്റി വരുമാനമാർഗം നിലച്ചുപോയ ചേപ്പാട് സ്വദേശിയായ യുവാവിന് 15000 രൂപ ചികിത്സാസഹായം നൽകി​. നിർദ്ധനരായ നാലു കിഡ്നി രോഗികളുടെ ഡയാലിസിസ് ചെലവുകൾ ഏറ്റെടുക്കുകയും ചെയ്തു .