ആലപ്പുഴ: വാട്ടർ അതോറിട്ടിയിൽ ശമ്പള പരിഷ്‌കരണം ഉൾപ്പടെയുള്ള ആനുകൂല്യങ്ങൾ വൈകിപ്പിക്കുന്നതിനെതിരെ കേരള വാട്ടർ അതോറിട്ടി സ്റ്റാഫ് അസോസിയേഷൻ (ഐ.എൻ.ടി.യു.സി) ജില്ലാ കമ്മിറ്റിയുടെ നേതൃത്വത്തിൽ ആലപ്പുഴ വാട്ടർ അതോറിട്ടി ഡിവിഷൻ ഓഫീസിന് മുന്നിൽ ധർണ നടത്തി. കെ.പി.സി.സി ജനറൽ സെക്രട്ടറി എ.എ. ഷുക്കൂർ ഉദ്ഘാടനം ചെയ്തു. കെ.പി.സി.സി രാഷ്ട്രീയകാര്യ സമിതിയംഗം അഡ്വ. എം. ലിജു മുഖ്യപ്രഭാഷണം നടത്തി. ജില്ലാ പ്രസിഡന്റ് പി.ആർ. ജോൺ അദ്ധ്യക്ഷനായി. സംസ്ഥാന സെക്രട്ടറി സി. അജിത്ത്, ജി. സജികുമാർ, സി. ഷാജി, ആഗ്നസ് റോഡിംഗ്‌സ്, പി. സുമേഷ് എന്നിവർ സംസാരിച്ചു.