ന്യൂഡൽഹി: ലഖിംപൂരിൽ കർഷകരെ കാറിടിച്ച് കൊലപ്പെടുത്തിയ സംഭവത്തിൽ പ്രതിഷേധിച്ച് കോൺഗ്രസ് മൗനവ്രത സമരം നടത്തുമെന്ന് എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ അറിയിച്ചു. നാളെ രാവിലെ പത്തു മുതൽ ഒരു മണി വരെ കോൺഗ്രസ് പ്രദേശ് കമ്മി​റ്റികളുടെ ആഭിമുഖ്യത്തിൽ രാജ്ഭവനുകൾക്കും കേന്ദ്ര സർക്കാർ ഓഫീസുകൾക്കു മുൻപിലുമാണ് സമരം നടത്തുക. മുതിർന്ന നേതാക്കളും എംപിമാരും എം.എൽ.എമാരും പാർട്ടി ഭാരവാഹികളും പങ്കുചേരും.