കൊച്ചി : കേരള വ്യാപാരി വ്യവസായി ഏകോപന സമിതി ചേരാനല്ലൂർ ചിറ്റൂർ യൂണിറ്റ് വിദ്യാഭ്യാസ അവാർഡുകൾ വിതരണം ചെയ്തു. ജില്ലാ പ്രസിഡന്റ് പി.സി.ജേക്കബ് വിതരണോദ്ഘാടനം നടത്തി. യൂണിറ്റ് അംഗങ്ങളുടെ മക്കളിൽ ഉന്നതവിജയം നേടിയവർക്കാണ് അവാർഡുകൾ നൽകിയത്. യൂണിറ്റ് പ്രസിഡന്റ് അബ്ദുൽ ഷുക്കൂർ അദ്ധ്യക്ഷത വഹിച്ചു. വർക്കിംഗ് പ്രസിഡന്റ് ടി.ബി. നാസർ, ജില്ലാ ജനറൽ സെക്രട്ടറി അഡ്വ. എ.ജെ. റിയാസ്, ജില്ലാ സെക്രട്ടറി ജിമ്മി ചക്യത്ത്, സി.വി. രാജു, യൂണിറ്റ് മുൻ പ്രസിഡന്റ് പി.ജി. ജോസഫ്, ജി. രഞ്ജിത്ത്, ഹസീന ബഷീർ, വി.എ. ജലീൽ എന്നിവർ സംസാരിച്ചു.