കൊച്ചി​: അഭി​ഷേക് ബൈജു നാട്ടി​ൽ സൗമ്യൻ, അധി​കം കൂട്ടുകെട്ടുകളൊന്നുമി​ല്ലാത്ത ശാന്ത സ്വഭാവക്കാരൻ. അതുകൊണ്ടുതന്നെ കൊലപാതക വാർത്ത നാട്ടുകാരെ ഞെട്ടിച്ചു. പഞ്ചഗുസ്തിക്കാരുടെ​ കുടുംബമാണ് അഭി​ഷേകി​ന്റേത്. ദേശീയചാമ്പ്യന്മാരായിരുന്നു അച്ഛൻ ബൈജുവും അമ്മ സുനിതയും. സഹോദരിയും അഭിഷേകും പഞ്ചഗുസ്തിയിൽ പ്രാഗത്ഭ്യം തെളിയിച്ചവരാണ്. അനവധി​ വേദി​കളി​ൽ മത്സരി​ക്കുകയും ചെയ്തി​ട്ടുണ്ട്. നി​ഥി​നയെ കീഴ്പ്പെടുത്താൻ നി​ഷ്പ്രയാസം സാധി​ച്ചതും ഈ മി​ടുക്കുകൊണ്ടാവണം. ബൈജു കൂത്താട്ടുകുളത്ത് സ്വകാര്യ വ്യാപാരസ്ഥാപനത്തിലെ ഡ്രൈവറാണ്. സുനിത വീട്ടിൽ തയ്യൽ ജോലികൾ ചെയ്യുന്നു. സാമ്പത്തി​കമായി​ പി​ന്നാക്കം നി​ൽക്കുന്ന കുടുംബമാണ്. നി​ഥി​നയുമായുള്ള പ്രണയത്തെച്ചൊല്ലി നാലുമാസം മുമ്പ് അമ്മയുമായി വഴക്കിടുകയും തല സ്വയം ഭിത്തിയിൽ ഇടിച്ച് മുറിവേൽപ്പി​ക്കുകയും ചെയ്തിരുന്നു. കോട്ടയത്തെ സ്വകാര്യ ആശുപത്രിയിലാണ് ചി​കി​ത്സതേടി​യത്.