കൊച്ചി: പ്ളസ് വൺ പ്രവേശനത്തിനുള്ള രണ്ട് അലോട്ട്മെന്റുകൾ പൂർത്തിയായിരിക്കേ, ഇഷ്ടവിഷയം ലഭിക്കാത്ത എല്ലാത്തിനും എ പ്ളസ് നേടിയ ആയിരക്കണക്കിന് വിദ്യാർത്ഥികൾ. 26ന് പ്രസിദ്ധീകരിക്കുന്ന ഒഴിവുകളിലേക്ക് സപ്ലിമെന്ററി അലോട്ട്‌മെന്റിന് അപേക്ഷിക്കുകയാണ് മുന്നിലുള്ള ഏക വഴി. എന്നാൽ, സപ്ളിമെന്ററി ലിസ്റ്റിൽ നിന്ന് പ്രവേശനം നൽകാൻ നീക്കിവച്ച സീറ്റും സർക്കാർ വർദ്ധിപ്പിച്ച മാർജിനൽ സീറ്റും ചേർന്നാലും ഉന്നതവി​ജയി​കൾക്ക് ഇത്തവണ ഇഷ്ടവി​ഷയം കി​ട്ടാൻ സാദ്ധ്യതയില്ല. പത്തുശതമാനം സീറ്റുകളാണ് സപ്ലിമെന്ററി അലോട്ട്‌മെന്റിന് നീക്കിവച്ചിട്ടുള്ളത്. പതിവിനു വിപരീതമായി ഈ വർഷം സ്‌കൂൾ, കോമ്പിനേഷൻ മാറ്റത്തിന് അവസരവുമില്ല. 1,21,318 പേരാണ് ഫുൾ എ പ്ലസുകാർ. രണ്ട് അലോട്ട്‌മെന്റുകളിലായി ഇവരിൽ 1.12 ലക്ഷം പേർക്ക് പ്രവേശനം നൽകിയെന്നാണ് സർക്കാർ കണക്ക്.

 3,61,307 : ആകെ സീറ്റുകൾ

 ഒന്നാം അലോട്ട്മെന്റ്

ആകെ അപേക്ഷകർ: 4,65,219

പ്രവേശനം ലഭിച്ചവർ: 2,18,418

 രണ്ടാം അലോട്ട്‌മെന്റ്

അലോട്ട് ചെയ്ത സീറ്റുകൾ: 2,69,533

ഇതി​ൽ പുതിയ അലോട്ട്‌മെന്റ്: 69,642
ഹയർ ഓപ്ഷനിൽ അലോട്ട്‌മെന്റ് ലഭിച്ചവർ: 44,707

 മുഴുവൻ എ പ്ലസ് നേടിയ കുട്ടിക്കുപോലും ഇഷ്ടപ്പെടുന്ന സ്‌കൂളിൽ ആഗ്രഹിക്കുന്ന കോഴ്‌സിന് അഡ്മിഷൻ ലഭിച്ചില്ല. സ്‌കൂൾ,വിഷയ കോമ്പിനേഷൻ മാറാൻ സൗകര്യമൊരുക്കണം.

- എസ്. മനോജ്, ജനറൽ സെക്രട്ടറി,
എ.എച്ച്.എസ്.ടി.എ