മൂവാറ്റുപുഴ: കർഷക വിരുദ്ധ നിയമങ്ങൾ പിൻവലിക്കുക, കർഷക സമരത്തിലേക്ക് കാറോടിച്ച് കയറ്റി കർഷകരെ കൊലപ്പെടുത്തിയ കേന്ദ്ര മന്ത്രിയുടെ മകനെ അറസ്റ്റ് ചെയ്യുക, കേന്ദ്രമന്ത്രി അജയ് കുമാർ മിശ്ര രാജി വയ്ക്കുക തുടങ്ങിയ മുദ്രാവാക്യങ്ങൾ ഉയർത്തി 13 ന് രാജ്യവ്യാപകമായി മർദന പ്രതിഷേധ ദിനമായി ആചരിക്കുമെന്ന് സംയുക്ത കർഷക സമിതി അറിയിച്ചു. ഇതോടനുബന്ധിച്ച് ഏരിയാ കേന്ദ്രങ്ങളിലെ കേന്ദ്ര സർക്കാർ ഓഫീസുകൾ കർഷകർ ഉപരോധിക്കും.സമരത്തിന്റെ ഭാഗമായി കർഷക സംഘത്തിന്റെ നേതൃത്വത്തിൽ മൂവാറ്റുപുഴ ഹെഡ് പോസ്റ്റ് ഓഫീസ് ഉപരോധിച്ചുകൊണ്ടുള്ള സമരം കർഷകസംഘം സംസ്ഥാന കമ്മിറ്റി അംഗം പി.കെ.സോമൻ ഉദ്ഘാടനം ചെയ്യും.