ആലുവ: കുട്ടികൾക്കെതിരായ കുറ്റകൃത്യങ്ങളിൽ പഴുതടച്ചതും വേഗത്തിലുള്ളതുമായ അന്വേഷണത്തിലൂടെ കുറ്റവാളികൾക്ക് പരമാവധി ശിക്ഷ ഉറപ്പാക്കുന്നത് ലക്ഷ്യമിട്ട് റൂറൽ ജില്ലയില പൊലീസ് ഉദ്യോഗസ്ഥർക്കായി പരിശീലനം സംഘടിപ്പിച്ചു. ഡിവൈ.എസ്.പി, എസ്.എച്ച്.ഒ, സബ് ഇൻസ്‌പെക്ടർ എന്നിവർ പങ്കെടുത്തു.
പോക്‌സോ കേസുകളുടെ അന്വേഷണവും വിചാരണയും എന്ന വിഷയത്തിൽ ജില്ലാ ലീഗൽ സർവീസ് അതോറിറ്റിയുടെയും റൂറൽ ജില്ലാ പൊലീസിന്റെയും സംയുക്താഭിമുഖ്യത്തിൽ നടത്തിയ സംവാദം ഡയറക്ടർ ജനറൽ ഒഫ് പ്രോസിക്യൂഷൻ ടി.എ. ഷാജി ഉദ്ഘാടനം ചെയ്തു. ജില്ലാ പൊലീസ് മേധാവി കെ. കാർത്തിക് മുഖ്യപ്രഭാഷണം നടത്തി. അഡീഷണൽ ഡിസ്ട്രിക്ട് ആൻഡ് സെഷൻസ് ജഡ്ജി കെ. സോമൻ ക്ളാസെടുത്തു. സബ് ജഡ്ജ് എം.എസ്. സുരേഷ്, അഡീഷണൽ എസ്.പി കെ. ലാൽജി, നാർക്കോട്ടിക് സെൽ ഡിവൈ.എസ്.പി സക്കറിയ മാത്യു എന്നിവർ സംസാരിച്ചു.