മൂവാറ്റുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയന്റേയും വിവിധ ശാഖകളുടേയും നേതൃത്വത്തിൽ നവരാത്രി മഹോത്സവവും എഴുത്തിനിരിത്തും നടത്തി. മൂവാറ്റുപുഴ ശ്രീകുമാരഭജന ദേവസ്വം ക്ഷേത്രത്തിലെ വിജയദശമി ആഘോഷങ്ങൾക്ക് ക്ഷേത്രം മേൽശാന്തി രാജേഷ് ശാന്തിയുടെ മുഖ്യ കാർമികത്വത്തിൽ നടന്നു. രാവിലെ മഹാഗണപതി ഹോമത്തോടെ തുടങ്ങിയ ആഘോഷങ്ങൾ 7 മണിക്ക് പ്രത്യേകം തയ്യാറാക്കിയ സരസ്വതി മണ്ഡപത്തിൽ നടന്ന വിശേഷാൽ പൂജക്കു ശേഷം കുരുന്നുകളുടെ നാവിൻ ആദ്യാക്ഷരം കുറിക്കലും തുടർന്ന് വിദ്യാർത്ഥികൾക്ക് മാത്രമായി വിദ്യാസരസ്വതി പൂജയും നടന്നു. ചടങ്ങിൽ വിദ്യാർത്ഥികളും ഭക്തജനങ്ങളും പങ്കെടുത്തു. യൂണിയൻ പ്രസിഡന്റ് വി.കെ.നാരായണൻ , വൈസ് പ്രസിഡന്റ് പി.എൻ.പ്രഭ, സെക്രട്ടറി അഡ്വ. എ.കെ. അനിൽകുമാർ , യോഗം ഡയറക്ടർ ബോർഡ് മമ്പർ പ്രമോദ് തമ്പാൻ എന്നിവർ നേതൃത്വം നൽകി.

എസ്.എൻ.ഡി. പി യോഗം 1207-ാം നമ്പർ തൃക്കളത്തൂർ ശാഖയുടെ ആഭിമുഖ്യത്തിൽ ശാഖായുടെ കീഴിലുള്ള ഗുരുദേവ ക്ഷേത്രത്തിൽ നടന്ന നവരാത്രി ആഘോഷത്തിൽ നിരവധി പേർ പങ്കെടുത്തു. രഞ്ജിത്ത് ശാന്തിയുടെ മുഖ്യകാർമികത്വത്തിലാണ് ചടങ്ങുകൾ നടന്നത്. വിദ്യാമന്ത്രാർച്ചനയിൽ നിരവധി പേർ പങ്കെടുത്തു. ചടങ്ങുകൾക്ക് ശാഖാ പ്രസിഡന്റ്‌ ശിവൻ പി. എ, വൈസ് പ്രസിഡന്റ്‌ പൊന്നമ്മ ദിവാകരൻ, സെക്രട്ടറി അഖിൽ എ. ആർ, യൂണിയൻ കമ്മിറ്റി അംഗം സലിം പുത്തൻപുരയിൽ എന്നിവർ നേതൃത്വം നൽകി.

എസ്.എൻ.ഡി.പി യോഗം 726 -ാം നമ്പർ കടാതി ശാഖയിലെ വിജയദശമി ആഘോഷം ശാഖ പ്രസിഡന്റ് ഷാജി.കെ.എസ് ഭദ്രദീപം തെളിയിച്ച് ഉദ്ഘാടനം ചെയ്തു. വിശേഷാൽ പൂജകൾക്ക് ശാഖാ സെക്രട്ടറി എം.എസ് ഷാജി കാർമ്മികത്വം വഹിച്ചു. ചടങ്ങുകൾക്ക് ശാഖാ വൈസ് പ്രസിഡന്റ് അഡ്വ. ദിലീപ് എസ് കല്ലാർ, യൂണിയൻ പഞ്ചായത്ത് കമ്മിറ്റിയംഗം എം.എസ് വിൽസൻ, ശാഖാ യൂണിയൻ കമ്മറ്റിയംഗം ഏ.സി. പ്രതാചന്ദ്രൻ , കമ്മിറ്റി അംഗങ്ങളായ എം.ആർ. സമജ്, എം.ആർ. വിജയൻ , സജി മണലിച്ചിറ, അനു സോമൻ, വനിത സംഘം യൂണിയൻ പ്രതിനിധി ഷൈല പ്രതാപചന്ദ്രൻ, യൂത്ത് മൂമെന്റ് സെക്രട്ടറി ടി.എസ് സോജൻ തുടങ്ങിയവർ നേതൃത്വം നൽകി. ശാഖാ ഭാരവാഹികളും കുടുംബാംഗംങ്ങളും കുട്ടികളും പങ്കെടുത്തു.