കൊച്ചി: യാത്രാനിരക്ക് കുറയ്ക്കണമെന്ന ഉപഭോക്താക്കളുടെ അഭ്യർത്ഥന മാനിച്ച് കൊച്ചി മെട്രോ നാളെ മുതൽ ഫ്ലെക്‌സി ഫെയർ സംവിധാനം നടപ്പാക്കുന്നു. തിരക്ക് കുറഞ്ഞ സമയങ്ങളിൽ രാവിലെ 6 മുതൽ 8 വരെയും രാത്രി 8 മുതൽ 10.30 വരെയും എല്ലാ യാത്രക്കാർക്കും 50 ശതമാനം ഡിസ്‌കൗണ്ട് നല്കാനാണ് തീരുമാനം. ക്യുആർ ടിക്കറ്റുകൾ, കൊച്ചി -1 കാർഡ്, കൊച്ചി -1 കാർഡ് ട്രിപ്പ് പാസ് എന്നിവ ഉപയോഗിച്ച് യാത്ര ചെയ്യുന്ന എല്ലാ യാത്രക്കാർക്കും ഈ പ്രയോജനം ലഭിക്കുമെന്നും പ്രീപെയ്ഡ് കാർഡിലെ തുകയിലെ വ്യത്യാസം കാഷ് ബാക്കായി അഡ്ജസ്റ്റ് ചെയ്യുമെന്നും കെ.എം.ആർ.എൽ. അറിയിച്ചു.