കൊച്ചി :എസ്.എൻ.ഡി.പി യോഗം 1391-ാം നമ്പർ ഫോർട്ടുകൊച്ചി ശാഖയിൽ ടി.വി. സാജൻ ചെയർമാനായും എ. ബി. ഗിരീഷ് കൺവീനറായും എ. എസ്. അർജുൻ ജോയിന്റ് കൺവീനറായും എ.വി.വിൽജി, വിഷ്ണു സതീശ് എന്നിവർ കമ്മിറ്റി അംഗങ്ങളുമായി അഡ്മിനിസ്‌ട്രേറ്റീവ് കമ്മിറ്റി ചുമതലയേറ്റു. ശാഖയുടെ നിയന്ത്രണത്തിലുള്ള രണ്ടു ക്ഷേത്രങ്ങളുടെ നടത്തി​പ്പും കമ്മി​റ്റി​ക്കാണ്.

കൊച്ചി യൂണിയൻ സെക്രട്ടറി ഷൈൻ കൂട്ടുങ്കൽ, വൈസ് പ്രസിഡന്റ് സി.പി. കിഷോർ, യോഗം ഡയറക്ടർ ബോർഡ് അംഗം സി.കെ. ടെൽഫി, കൗൺസിലർമാരായ ഇ.വി. സത്യൻ, ഷിജു ചിറ്റേപ്പള്ളി എന്നിവർ ചടങ്ങി​ൽ സംസാരിച്ചു.

നിലവിലുള്ള ഒമ്പത് കമ്മിറ്റി അംഗങ്ങളിൽനിന്നും ശാഖാ സെക്രട്ടറി ഉൾപ്പെടെ അഞ്ചുപേർ രാജി സമർപ്പിച്ചതിനെത്തുടർന്ന് ശാഖാഭരണസമിതി യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ പിരിച്ചുവിടുകയായി​രുന്നു.