കൊച്ചി: ഭാവിയുടെ പ്രിന്റിംഗ് സാങ്കേതികവിദ്യ എന്നറിയപ്പെടുന്ന കമ്പ്യൂട്ടർ എയ്ഡഡ് ഡിസൈൻ (കാഡ്) ആൻഡ് 3 ഡി പ്രിന്റിംഗിൽ കൊച്ചി സർവ്വകലാശാലയിലെ സ്‌കൂൾ ഒഫ് എൻജി​നീയറിംഗിൽ ഹ്രസ്വകാല കോഴ്‌സ് നവംബർ 19ന് ആരംഭിക്കുന്നു. 3ഡി പ്രിന്റിംഗ് ഡിസൈനർമാർക്കും എൻജി​നീയർമാർക്കും വലിയ തോതിലുള്ള ആവശ്യകതയാണുള്ളത്. രണ്ടു മാസമാണ് കോഴ്‌സിന്റെ ദൈർഘ്യം. എൻജി​നീയറിംഗ് ബിരുദമുള്ളവർക്കും എൻജി​നീയറിംഗ് ഗ്രാഫിക്‌സിൽ പ്രാഥമിക അറിവുള്ള ബിരുദധാരികൾക്കും ബിരുദ വിദ്യാർത്ഥികൾക്കും അപേക്ഷിക്കാം. വി​വരങ്ങൾക്ക്: http://www.cusat.ac.in. ഫോൺ: 9846178058, 7907600633.

സർവ്വകലാശാലാ സർട്ടിഫിക്കറ്റ്, വിദഗ്ദ്ധരായ അദ്ധ്യാപകർ, വീഡിയോ നോട്ടുകൾ, കോഴ്‌സ് മെറ്റീരിയലുകൾ, നിയമനത്തിനുള്ള മാർഗ്ഗനിർദ്ദേശങ്ങളും സഹായവും, ഏറ്റവും പുതിയ സോഫ്റ്റ് വെയറുകൾ, അതിവേഗ ഇന്റർനെറ്റ് സംവിധാനമുള്ള കമ്പ്യൂട്ടറുകൾ, സൗകര്യപ്രദമായ സമയക്രമം എന്നിവയാണ് കോഴ്‌സിന്റെ പ്രധാന ആകർഷണങ്ങൾ.

2018ൽ ആരംഭി​ച്ച കോഴ്സി​ൽ ഇതുവരെ 300 ഓളം പേർ പഠി​താക്കളായി​. ഒരു ബാച്ചി​ൽ 25 പേരുണ്ടാകും. 12,000 രൂപയാണ് ഫീസ്.

 രണ്ട് 3 ഡി​ പ്രി​ന്ററുകൾ

കുസാറ്റി​ൽ പഠനാവശ്യത്തി​ന് രണ്ട് 3 ഡി​ പ്രിന്ററുകളുണ്ട്. 20 ലക്ഷത്തോളം വി​ലവരുന്ന സ്ട്രാറ്റാസി​സ് എന്ന വി​ദേശ കമ്പനി​യുടേതാണ് പ്രധാനം.

 ത്രീഡി​ പ്രി​ന്റിംഗ്

വസ്തുക്കൾ വിവിധ രൂപങ്ങളിലും നിറങ്ങളിലും വലിപ്പത്തിലും അതിവേഗം നിർമ്മിക്കാൻ കഴിയുമെന്നുള്ളതാണ് കമ്പ്യൂട്ടർ എയ്ഡഡ് ഡിസൈൻ ആന്റ് 3 ഡി പ്രിന്റിംഗി​ന്റെ മെച്ചം. സ്ഥാപനങ്ങളും വ്യാവസായിക മേഖലയും ഈ സാങ്കേതിക വിദ്യയെ അതിവേഗം സ്വീകരിച്ചുകൊണ്ടിരിക്കുകയാണ്. നിർമ്മാണ മേഖല, പാദരക്ഷകൾ, കളിപ്പാട്ടനിർമ്മാണം, ആരോഗ്യരംഗം, ഗൃഹോപയോഗ വസ്തുക്കൾ, ഇലക്ട്രോണിക്‌സ് ഉൽപ്പങ്ങൾ, മെഡിക്കൽ ഉപകരണങ്ങൾ, കപ്പൽ നിർമ്മാണം, ഡ്രോണുകൾ തുടങ്ങി ജീവിതത്തിന്റെ സമസ്ത മേഖലകളിലും 3ഡി പ്രിന്റിംഗിന്റെ ഉപയോഗം സാദ്ധ്യമാണ്.