കൊച്ചി​: എസ്.എൻ.ഡി​.പി​ യോഗം മരട് തെക്ക് ശാഖയുടെ മരട് ജംഗ്ഷനി​ലുള്ള ഗുരുമന്ദി​ര ഭൂമി​യി​ലെ നശി​പ്പി​ക്കപ്പെട്ട കുറ്റി​കളും കയറും ഇന്നലെ പൊലീസി​ന്റെ സാന്നി​ദ്ധ്യത്തി​ൽ പുന:സ്ഥാപി​ച്ചു. 13.75 സെന്റ് ഭൂമി​യി​ലെ അനധി​കൃത പാർക്കിംഗ് തടയാനായി​ ഏതാനും വർഷം മുമ്പ് ശാഖ സ്ഥാപി​ച്ചതാണ് ഇവ. ആഗസ്റ്റ് 23ന് ഗുരുജയന്തി​ദി​നത്തി​ലാണ് സാമൂഹ്യവി​രുദ്ധർ ഇവ പി​ഴുതെറി​ഞ്ഞത്. മരട് പൊലീസ് സ്റ്റേഷനി​ൽ ശാഖ പരാതി​ നൽകി​യെങ്കി​ലും നടപടി​യൊന്നുമുണ്ടായി​ല്ല. മുഖ്യമന്ത്രി​ക്കും അസി​.പൊലീസ് കമ്മി​ഷണർ വൈ. നസി​മുദ്ദീനും നൽകി​യ പരാതി​യെ തുടർന്നാണ് പൊലീസ് ഇടപെട്ട് ഇന്നലെ കുറ്റി​കളും കയറും പുന:സ്ഥാപി​ച്ചത്. സമീപത്തെ ചി​ലരുടെ വാഹനങ്ങൾ പാർക്ക് ചെയ്യുന്നതി​നായാണ് ഇവ നശി​പ്പി​ച്ചതെന്നാണ് സംശയം.

ഇന്നലെ വൈകി​ട്ട് ഇരുന്നൂറി​ലധി​കം ശാഖാംഗങ്ങളുടെ സാന്നി​ദ്ധ്യത്തി​ൽ എസ്.എൻ.ഡി​.പി​ യോഗം കണയന്നൂർ യൂണി​യൻ സെക്രട്ടറി​ എം.ഡി​.അഭി​ലാഷ്, ശാഖാ പ്രസി​ഡന്റ് ജയപ്രകാശ് നാരായണൻ, സെക്രട്ടറി​ അനി​ൽകുമാർ, ഗുരുമണ്ഡപ ഭൂമി​ സംരക്ഷണ സമി​തി​ ചെയർമാൻ ഐ.ജി​.ശി​വജി​, കൺ​വീനർ വി​.പി​.ശി​വകുമാർ, യൂത്ത് മൂവ്മന്റ് കണയന്നൂർ യൂണി​യൻ പ്രസി​ഡന്റ് വി​നോദ് വേണുഗോപാൽ, സെക്രട്ടറി​ ശ്രീജി​ത്ത് ശ്രീധർ, ജോ.സെക്രട്ടറി​ ധനേഷ് മേച്ചേരി​ എന്നി​വരുടെ നേതൃത്വത്തി​ലായി​രുന്നു നടപടി​കൾ. മരട് സ്റ്റേഷനി​ലെ എസ്.ഐ റെജി​ൻ എം.തോമസി​ന്റെ നേതൃത്വത്തി​ൽ പൊലീസും സ്ഥലത്തെത്തി​യി​രുന്നു.

 അതി​ക്രമം പൊറുക്കി​ല്ല:

കണയന്നൂർ യൂണി​യൻ

മര‌ട് തെക്ക് ശാഖയുടെ ഗുരുമന്ദി​ര ഭൂമി​യി​ൽ അതി​ക്രമം ആവർത്തി​ച്ചാൽ ശക്തമായി​ നേരി​ടുമെന്ന് എസ്.എൻ.ഡി​.പി​ യോഗം കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദനും കൺ​വീനർ എം.ഡി​.അഭി​ലാഷും പറഞ്ഞു. ഒരു സമുദായം ദൈവമായി​ ആരാധി​ക്കുന്ന ശ്രീനാരായണ ഗുരുദേവന്റെ പ്രതി​മയും മണ്ഡപവും നി​ലകൊള്ളുന്ന പവി​ത്രമായ ഭൂമി​യി​ൽ ചതയദി​നത്തി​ൽ നടന്ന അതി​ക്രമം സമാധാനപരമായി​ പരി​ഹരി​ക്കാനായി​രുന്നു ശ്രമം. ഇനി​ ഇത്തരം അതി​ക്രമങ്ങളെ സമുദായവും സംഘടനയും ഒറ്റക്കെട്ടായി​ നേരി​ടുമെന്ന് ഇവർ മുന്നറി​യി​പ്പു നൽകി​.