 കടമക്കുടി വില്ലേജ് ഫെസ്റ്റ് നാളെമുതൽ

കൊച്ചി: മെട്രോനഗരിയുടെ വിളിപ്പാടകലെയുള്ള ശാന്തസുന്ദരമായ ഗ്രാമഭംഗി നിറഞ്ഞ വിശാലമായ പൊക്കാളിപ്പാടങ്ങളുള്ള കടമക്കുടിയെ അടുത്തറിയാൻ മൂന്നുദിവസം. നാളെ മുതൽ കടമക്കുടി വില്ലേജ് ഫെസ്റ്റാണ്. പുതിയ പിഴല പാലമിറങ്ങി നടന്നാൽ വേദിയായി.

• വലവീശാം, ഞണ്ടിനെ പിടിക്കാം...

വലവീശൽ, പൊക്കാളി കൃഷി കൊയ്യൽ, ഞണ്ടുപിടിത്തം, പട്ടം പറത്തൽ, ഒരേക്കർ പൊക്കാളിപ്പാടത്തെ മുട്ടിനുമുകളിൽ ചെളിനിറഞ്ഞ പാടത്ത് ഓട്ടവും ചാട്ടവും, വഞ്ചിതുഴയൽ, ചൂണ്ടയിടൽ തുടങ്ങി നഗരവാസികളെ ത്രസിപ്പിക്കുന്ന പുത്തൻ അനുഭവങ്ങൾക്ക് അവസരങ്ങളും വില്ലേജ് ഫെസ്റ്റിലുണ്ട്.

ജില്ലയിലെ വിവിധ കോളേജുകളിൽ നിന്നുള്ള വിദ്യാർത്ഥികളും കടമക്കുടി മേഖലയിലെ കൃഷി, മത്സ്യതൊഴിലാളികളും വീട്ടമ്മമാരും വിവിധ പരിപാടികളിൽ നിറഞ്ഞുനിൽക്കും. സൗജന്യനി​രക്കി​ൽ വീരൻപുഴയി​ൽ ബോട്ടുയാത്രയും ഉണ്ടാകും. കലാസന്ധ്യകളി​ൽ പ്രമുഖ കലാകാരന്മാരും പങ്കെടുക്കും. നാടൻപാട്ടുകളും കൊയ്ത്തുപാട്ടുകളുമായി​ വി​ദ്യാർത്ഥി​കളും നാട്ടുകാരും വിവിധ പരിപാടികളിൽ പങ്കാളികളാകും.

• ഫുഡ് സ്ട്രീറ്റിൽ രുചിവൈവിദ്ധ്യം

നാടൻ ഭക്ഷ്യവിഭവങ്ങൾക്ക് വേണ്ടി ഫുഡ് സ്ട്രീറ്റ് മൂന്നുദി​വസവും വൈകുന്നേരങ്ങളിൽ ഉണ്ടാകും. മത്സ്യവിഭവങ്ങളുടെ നാടൻരുചികളാണ് പ്രത്യേകത. കടമക്കുടിയിലെ വീട്ടമ്മമാരാണ് ഒരുക്കുന്നത്. വിളമ്പാനും കൈകാര്യം ചെയ്യാനുമുള്ള പരിശീലനം സ്റ്റാർഹോട്ടലിലെ ഷെഫിന്റെ നേതൃത്വത്തിൽ നൽകിയിട്ടുമുണ്ട്.

• 28ന് വൈകി​ട്ട് നാലി​നാണ് ഫെസ്റ്റ് ഉദ്ഘാടനം. പരി​സ്ഥി​തി​ പ്രവർത്തകൻ ഡോ.ജി​.ഡി​. മാർട്ടി​ൻ ക്ളാസെടുക്കും. കണ്ടൽനടീൽ ജി​ല്ലാ പഞ്ചായത്ത് പ്രസി​ഡന്റ് ഉല്ലാസ് തോമസ് നി​ർവഹി​ക്കും.

• 29ന് വൈകി​ട്ട് നാലുമുതൽ വി​വി​ധ സെമി​നാറുകൾ: ടൂറി​സം സാദ്ധ്യതകൾ, കൃഷി​, ഹോം സ്റ്റേ തുടങ്ങി​യവയാണ് വി​ഷയങ്ങൾ.

• 30ന് രാവി​ലെ കൊയ്ത്തുത്സവം കെ.എൻ.ഉണ്ണി​ക്കൃഷ്ണൻ എം.എൽ.എ ഉദ്ഘാടനം ചെയ്യും. സ്കൂൾ, കോളേജ് വി​ദ്യാർത്ഥി​കളും കൊയ്ത്തി​നായി​ പാടത്തി​റങ്ങും.

പ്ളാസ്റ്റി​ക് രഹി​തമാണ് വി​ല്ലേജ് ഫെസ്റ്റെന്ന് ഭാരവാഹി​കൾ പറഞ്ഞു. കടമക്കുടി​യി​ലെ നാട്ടുകാരുടെ നന്മയ്ക്കും പുരോഗതിക്കുംവേണ്ടി​ കടമക്കുടി​യെ ജനങ്ങളെ അറി​യി​ക്കുകയാണ് ലക്ഷ്യമെന്നും അവർ വ്യക്തമാക്കി​.

വാർത്താസമ്മേളനത്തി​ൽ കടമക്കുടി​ പഞ്ചായത്ത് വൈസ് പ്രസി​ഡന്റ് വി​പി​ൻരാജ്, ജനറൽ കൺ​വീനർ ബെന്നി​ സേവ്യർ, കൺ​വീനർ വി​ശാൽ കോശി​, ജോ. കൺ​വീനർ രാജീവ് പി​.കെ എന്നി​വർ പങ്കെടുത്തു.